സംസ്ഥാന യൂത്ത് ഫുട്‌ബോൾ ചാമ്പ്യൻമാരായ ജില്ലാ ടീമിന് സ്വീകരണം

തൃക്കരിപ്പൂർ തിരുവനന്തപുരത്ത് നടന്ന സംസ്ഥാന യൂത്ത് ഫുട്ബോൾ ചാമ്പ്യൻമാരായ ജില്ലാ യൂത്ത് ടീമിന് ജില്ലാ ഫുട്ബോൾ അസോസിയേഷൻ്റെ നേതൃത്വത്തിൽ പയ്യന്നൂർ റെയിൽവേ സ്റ്റേഷനിൽ സ്വീകരണം നൽകി. ടീം പരിശീലകൻ പ്രവീൺ, സഹപരിശീലകൻ വിജോഷ്, ടീം ക്യാപ്റ്റൻ ഉമർ അഫാഫ്, വൈസ് ക്യാപ്റ്റൻ ഹേമന്ത് സനിൽ കുമാർ എന്നിവരുടെ നേതൃത്വത്തിൽ എത്തിയ ടീം അംഗങ്ങളെ ജില്ലാ ഫുട്‌ബോൾ അസോസിയേഷൻ പ്രസിഡൻറ് വീരമണി ചെറുവത്തൂർ, സെക്രട്ടറി ടി.കെ.എം. മുഹമ്മദ് റഫീഖ് പടന്ന, വൈസ് പ്രസിഡൻറ് രാജൻ എടാട്ടുമ്മൽ, കെ.കെ. സൈനുദ്ദീൻ, മുഹമ്മദ് ബീരിച്ചേരി, ബഷീർ മെട്ടമ്മൽ, ഷാജഹാൻ എന്നിവർ ചേർന്നാണ് സ്വീകരിച്ചത്.