കലാകിരീടം ബത്തേരി സെയ്ൻ്റ് മേരീസ് കോളേജിന്, രണ്ടാംസ്ഥാനം മുട്ടിൽ ഡബ്ല്യു.എം.ഒ.യ്ക്ക്

മുട്ടിൽ നാലുനാൾ കലയുടെ ആവേശംതീർത്ത കാലിക്കറ്റ് യൂണിവേഴ്‌സിറ്റി എഫ് സോൺ കലോത്സവത്തിൽ കലാകിരീടം സുൽത്താൻബത്തേരി സെയ്ന്റ് മേരീസ് കോളേജിന്.

300 പോയിന്റുനേടിയാണ് കോളേജ് ഒ ാവറോൾ ചാമ്പ്യന്മാരായത്. 245 പോയിൻ്റുനേടി മുട്ടിൽ ഡബ്ല്യു.എം.ഒ. ആർട്‌സ് ആൻഡ് സയൻസ് കോളേജ് രണ്ടാംസ്ഥാനവും 123 പോയിന്റുനേടി കല്പറ്റ എൻ.എം.എസ്.എം. ഗവ. കോളേജ് മൂന്നാംസ്ഥാനവും നേടി.

കലോത്സവത്തിൽ സുൽത്താൻബത്തേരി സെയ്ൻ്റ് മേരീസ് കോളേജിലെ തീർഥ എസ്. മോഹൻ കലാതിലകമായും അഞ്ജനാ രജീഷ് ചിത്രപ്രതിഭയായും തിരഞ്ഞെടുക്കപ്പെട്ടു.

കല്പറ്റ എൻ.എം.എസ്.എം. ഗവ. കോളേജിലെ നിവേദ് ഷാജി കലാപ്രതിഭയായും തിരഞ്ഞെടുക്കപ്പെട്ടു.

10, 11, 13, 14 തീയതികളിലായി മുട്ടിൽ ഡബ്ല്യു.എം.ഒ. ആർട്സ് ആൻഡ് സയൻസ് കോളേജിലായിരുന്നു എഫ് സോൺ കലോത്സവം.

മികച്ച നടനായി കല്പറ്റ എൻ.എം.എസ്.എം. ഗവ. കോളേജിലെ ബി. സബിനെയും നടിയായി കല്പറ്റ എൻ.എം.എസ്.എം. ഗവ: കോളേജിലെ എ. അയനയെയും തിരഞ്ഞെടുത്തു.