സംസ്ഥാന പഞ്ചഗുസ്‌തി ജേതാക്കൾ

പാലാ: സുൽത്താൻ ബത്തേരിയിൽനടന്ന 48-ാമത് സംസ്ഥാന ആം റസ്ലിങ് ചാമ്പ്യൻഷിപ്പിൽ ജില്ലയ്ക്കുവേണ്ടി മത്സരിച്ച പാലാ ആംഫിറ്റ് ജിമ്മിലെ അംഗങ്ങൾ ജേതാക്കളായി. എഡ്വിൻ ബിജു, ആഞ്ചലോ ആൻ്റോ പുഴക്കര, ആദിത്യൻ അഭിലാഷ്, ഡെൽമ ജോർജ്, ചാണ്ടിച്ചൻ തോമസ്, ജോയി തോമസ്, അർജുൻ കെ.അനിൽ, നെവിൻ ജെയിംസ്, അനന്ദു രവീന്ദ്രൻ, ശോഭനാ ചന്ദ്രൻ, അഞ്ജു സന്തോഷ് എന്നിവർ ചേർന്ന് 23 മെഡൽ നേടി. സബ് ജൂനിയർ വിഭാഗത്തിൽ ചാമ്പ്യൻ ഓഫ് ചാമ്പ്യൻപട്ടം എഡ്വിൻ ബിജു നേടി.

കോച്ച് അനൂപ് പുളിക്കലിൻ്റെ പരിശീലനമികവിലാണ് കോട്ടയം ജില്ലയ്ക്കുവേണ്ടി മികച്ചവിജയം നേടാൻ സാധിച്ചതെന്ന് എഡ്വിൻ ബിജു, ജോയി തോമസ്, ആഞ്ചലോ ആന്റോ പുഴക്കര എന്നിവർ പത്രസമ്മേളനത്തിൽ പറഞ്ഞു.