സർവകലാശാല ചെസ് കിരീടം പയ്യന്നൂർ കോളേജിന്

വിളയാങ്കോട് : കണ്ണൂർ സർവകലാശാല ഇന്റർ കൊളആജിയറ്റ് ചെസ് ചാമ്പ്യൻഷിപ്പിൽ പുരുഷ-വനിതാവിഭാഗങ്ങളിൽ പയ്യന്നൂർ കോളേജ് ഒന്നാം സ്ഥാനം നേടി. പുരുഷവിഭാഗത്തിൽ കാഞ്ഞങ്ങാട് നെഹ്റു ആർട്‌സ് ആൻഡ് സയൻസ് കോളേജ് രണ്ടും തളിപ്പറമ്പ് സർ സയ്യിദ് കോളേജ് തളിപ്പറമ്പ് മൂന്നും സ്ഥാനം നേടി. വനിതകളിൽ മലബാർ ട്രെയിനിങ് കോളേജ് പേരാവൂർ രണ്ടാം സ്ഥാനവും, നിർമലഗിരി കോളേജ് കൂത്തുപറമ്പ് മൂന്നാം സ്ഥാനവും നേടി.

വിറാസ് കോളേജ് പ്രിൻസിപ്പൽ ഡോ. പി.കെ. അബു ഇസ്ഹാഖ് ചാമ്പ്യന്മാർക്കുള്ള ട്രോഫികൾ സമ്മാനിച്ചു. ഡോ. വി. വിനീത് കുമാർ, കെ. സജേഷ് എന്നിവർ സംസാരിച്ചു.