ജയിലിലെ അരങ്ങിൽ റോമിയോയും ജൂലിയറ്റും

തൃശ്ശൂർ : അവരിൽ പലരും കാലങ്ങൾക്കുശേഷമാണ് നാടകം കാണുന്നത്. തങ്ങൾക്കായി ലോകപ്രശസ്ത‌ നാടകസംഘം ജയിലിലേക്ക് വരുന്നെന്ന വാർത്തയറിഞ്ഞ് അന്തേവാസികൾ ആകാംക്ഷയോടെ കാത്തിരിപ്പിലായിരുന്നു. ഇറ്റ്ഫോക് നാടകോത്സവത്തിൻ്റെ ഭാഗമായി വിയ്യൂർ ജയിൽ അങ്കണത്തിൽ വില്യം ഷേക്‌സ്‌പിയറിൻ്റെ റോമിയോ ആൻഡ് ജൂലിയറ്റ് നാടകം അരങ്ങേറിയപ്പോൾ ജയിൽ അന്തേവാസികളും ആ പ്രണയകഥയ്ക്കൊപ്പം സഞ്ചരിച്ചു.

നാടകാവസാനം നിറഞ്ഞ കൈയടിയോടെ അഭിനേതാക്കളായ പീറ്റർ കിർക്കിനെയും പിൽഡ് സണിനെയും അഭിനന്ദിച്ചു.

തടവുപുള്ളികളുടെ മാനസികപരിവർത്തനം ലക്ഷ്യമാക്കിയാണ് റോമിയോ ആൻഡ് ജൂലിയറ്റ് വിയ്യൂർ ജയിലിൽ അവതരിപ്പിച്ചത്, അക്കാദമി സെക്രട്ടറി കരിവെള്ളൂർ മുരളി, ഫെസ്റ്റിവൽ ഡയറക്ട‌ർ ഡോ. അഭിലാഷ് പിള്ള, ഫെസ്റ്റിവൽ ക്യൂറേറ്റർ റുവാന്തി ഡി ചിക്കേറ എന്നിവർ നാടകസംഘത്തെ അനുഗമിച്ചു.