സബ് ജൂനിയർ ഹാൻഡ്ബോൾ ചാമ്പ്യൻഷിപ്പ്: കൊല്ലവും തൃശ്ശൂരും ചാമ്പ്യന്മാർ

കൊല്ലം : കൊല്ലം ക്യുഎസി മൈതാനത്ത് നടന്ന സംസ്ഥാന സബ് ജൂനിയർ ഹാൻഡ്‌ബോൾ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ കൊല്ലവും പെൺകുട്ടികളുടെ വിഭാഗത്തിൽ തൃശ്ശൂരും ചാമ്പ്യന്മാരായി.

ആൺകുട്ടികളുടെ ഫൈനലിൽ തൃശ്ശൂരിനെ 24-ന് എതിരേ 25 ഗോളുകൾക്കാണ് കൊല്ലം തോൽപ്പിച്ചത്. സെമിയിൽ പാലക്കാടിനെ തോൽപ്പിച്ചായിരുന്നു കൊല്ലത്തിന്റെ ഫൈനൽ പ്രവേശനം. പെൺകുട്ടികളുടെ വിഭാഗത്തിൽ കണ്ണൂർ റണ്ണേഴ്‌സ് അപ്പായി.

വിജയികൾക്ക് മേയർ എ.കെ. ഹഫീസ് സമ്മാനങ്ങൾ വിതരണം ചെയ്തുതു. ചടങ്ങിൽ ജില്ലാ ഹാൻഡ്ബോൾ അസോസിയേഷൻ സെക്രട്ടറി കെ.വി. ബൈജു, വൈസ് പ്രസിഡന്റ് റെനി ജോസഫ്, മാസ്റ്റേഴ്‌സ് ഹാൻഡ്ബോൾ അസോസിയേഷൻ സെക്രട്ടറി സിജു പി. ജോൺ, ജില്ലാ സ്പോർട്‌സ് ഓഫീസർ അവിനാഷ്‌കുമാർ എന്നിവർ പങ്കെടുത്തു.