കാലിക്കറ്റ് സൂപ്പർ ക്വീൻസിന് വിജയം

കോഴിക്കോട് : കോഴിക്കോട്ടെ ബിസിനസുകാരികളുടെ കൂട്ടായ്മ‌യായ ബിഎൻഐ ക്വീൻസ് ചാപ്റ്റർ സംഘടിപ്പിച്ച ബിഎൻഐ ക്വീൻസ് ചാമ്പ്യൻസ് ട്രോഫിയിൽ കാലിക്കറ്റ് സൂപ്പർ ക്വീൻസിന് വിജയം. കണ്ണൂർ ഷീ വാരിയേഴ്സും കാലിക്കറ്റ് സൂപ്പർ ക്വീൻസും തമ്മിൽ നടന്ന ഫൈനലിൽ എട്ട് വിക്കറ്റിന്റെ വിജയമാണ് കോഴിക്കോട് സ്വന്തമാക്കിയത്. കോഴിക്കോടിന്റെ ചായാനിക ഇന്ദിരയാണ് പ്ലെയർ ഓഫ് ദ മാച്ച്.

ബിഎൻഐ എക്‌സിക്യൂട്ടീവ് ഡയറക്‌ടർ ഡോ. എ.എം. ഷെറീഫ് വിജയികൾക്ക് ട്രോഫികൾ സമ്മാനിച്ചു. ബിഎൻഐ ക്വീൻസിന്റെ പ്രസിഡൻ്റ് രേഖാദാസ് അധ്യക്ഷതവഹിച്ചു. എക്സ‌ിക്യുട്ടീവ് ഡയറക്‌ടർ ഷിജു ചേമ്പ്ര, രാജീവ് പത്മനാഭൻ, റിഫാത്ത് റഹ്‌മാൻ, ഷഹാബ് പി.ടി.പി., നിർമൽ നാരായണൻ, ലിജു ടി.വി., ഡോ. ബിസ്‌ന ബഡേരി, കീർത്തി രോഹിത്ത്റാം, പ്രിയാ ജോസഫ് എന്നിവർ സംസാരിച്ചു.