ജില്ലാ ഗുസ്‌തി ചാമ്പ്യൻഷിപ്പ്: മണ്ണാർക്കാട് സ്പ‌ാർട്ടൻസ് അക്കാദമി ഓവറോൾ ചാമ്പ്യന്മാർ

മണ്ണാർക്കാട് ജില്ലാ റെസ്‌ലിങ് അസോസിയേഷൻ നേത്യത്വത്തിൽ മണ്ണാർക്കാട് എംഇടി സ്‌കൂളിൽ സംഘടിപ്പിച്ച ജില്ലാ അണ്ടർ 15, 17 വിഭാഗം ഗുസ്‌തി ചാമ്പ്യൻഷിപ്പിൽ 117 പോയിന്റ് നേടി മണ്ണാർക്കാട് സ്‌പാർട്ടൻസ് അക്കാദമി ഓവറോൾ ചാമ്പ്യന്മാരായി. 90 പോയിൻ്റോടെ ചിറ്റൂർ കർമ റെസ്ലിങ് അക്കാദമി രണ്ടാംസ്ഥാനം നേടി. 52 പോയിന്റ് നേടിയ കല്പടി ഹൈസ്‌കൂളിനാണ് മൂന്നാംസ്ഥാനം.

മണ്ണാർക്കാട് എംഇഎസ് സ്കൂ‌ൾ -43. പ്രവീൺ ചാക്കോ അക്കാദമി- 29, എംഇടി സ്‌കൂൾ-25 എന്നിങ്ങനെ പോയിന്റുകളും കരസ്ഥമാക്കി. സംസ്ഥാന റെസ്ലിങ് അസോസിയേഷൻ ജോ, സെക്രട്ടറി കെ. ഹംസ വിജയികൾക്കുള്ള ട്രോഫികൾ വിതരണംചെയ്തു.

മണ്ണാർക്കാട് നഗരസഭാ ചെയർപേഴ്‌സൺ കെ. സജ്ന മത്സരം ഉദ്ഘാടനം ചെയ്‌തു. പ്രൊഫ. സാബു ഐപ്പ് അധ്യക്ഷനായി. നഗരസഭാ കൗൺസിലർ ഷൗക്കത്തലി, എംഇടി സ്കൂ‌ൾ സെക്രട്ടറി ജോബ് ഐസക്, ഡോ. ജംഷാദ്, കെ. ഉസ്‌മാൻ, ഡോ. അമീർസഹദ്, സാഹിർ, എൻ.വി. ഷബീർ എന്നിവർ സംസാരിച്ചു. 200-ലധികം ഗുസ്‌തിതാരങ്ങൾ പങ്കെടുത്തു.