തലശ്ശേരി ഏരിയ ഓവറോൾ ചാമ്പ്യന്മാർ

എൻജിഒ യൂണിയൻ ജില്ലാ കായികമേള

കണ്ണൂർ : കേരള എൻജിഒ യൂണിയൻ ജില്ലാ കമ്മിറ്റിയുടെ കലാകായിക വിഭാഗമായ സംഘവേദി സംസ്ഥാന സർക്കാർ ജീവനക്കാർക്കായി സംഘടിപ്പിച്ച ജില്ലാ കായികമേളയിൽ തലശ്ശേരി ഏരിയ ഓവറോൾ ചാമ്പ്യന്മാരായി. കണ്ണൂർ സൗത്ത് ഏരിയ രണ്ടാംസ്ഥാനവും കണ്ണൂർ നോർത്ത് ഏരിയ മൂന്നാംസ്ഥാനവും നേടി.

സീനിയർ, സൂപ്പർ സീനിയർ, മാസ്റ്റേഴ്‌സ് വിഭാഗങ്ങളിലായി 250-ലേറെ കായികപ്രതിഭകൾ അണിനിരന്ന ജില്ലാ കായികമേള ജില്ലാപഞ്ചായത്ത് പ്രസിഡൻറ് ബിനോയ് കുര്യൻ ഉദ്ഘാടനം ചെയ്തു. യൂണിയൻ ജില്ലാ പ്രസിഡൻ്റ് പി.പി.സന്തോഷ് കുമാർ അധ്യക്ഷനായി.

സംസ്ഥാന സെക്രട്ടറി തങ്കം, സംസ്ഥാന കമ്മിറ്റിയംഗമായ പി.ആർ.സ്മിത, ജില്ലാ സെക്രട്ടറി കെ.രഞ്ജിത്ത്, ഖജാൻജി കെ.ഷീബ എന്നിവർ സംസാരിച്ചു. സമാപനസമ്മേളനത്തിൽ യൂണിയൻ സംസ്ഥാന സെക്രട്ടേറിയേറ്റംഗം എ.എം.സുഷമ വിജയികൾക്കുള്ള സമ്മാനം വിതരണം ചെയ്‌തു. സംഘവേദി കൺവീനർ ജയരാജൻ കാരായി സംസാരിച്ചു.