ടെന്നിക്കോയ്: ജില്ലയിൽനിന്ന് അഞ്ച് താരങ്ങൾ

തൃക്കരിപ്പൂർ: ദേശീയ സബ് ജൂനിയർ ടെന്നിക്കോയ് ചാമ്പ്യൻഷിപ്പ് തൃക്കരിപ്പൂരിൻ്റെ മണ്ണിലെത്തുമ്പോൾ കേരളത്തിനായി ജേഴ്‌സി അണിയുന്നത് അഞ്ച് കാസർകോട്ടുകാരാണ്. ഇതിൽ നാലുപേർ ഇടയിലക്കാട് സ്വദേശികളും ഒരാൾ തൃക്കരിപ്പൂർ എടാട്ടുമ്മൽ സ്വദേശിയുമാണ്. കേരളാ ടീം ക്യാപ്റ്റൻ എം. തേജശ്രീ, തന്മയ ബിജു, എ. (ശ്രീലക്ഷ്മ്‌മി എന്നിവരാണ് പെൺകുട്ടികളുടെ കേരളാ ടീം അംഗങ്ങൾ. മിക്‌സഡ് ഡബിൾസ് ഇനത്തിൽ തേജശ്രീ ഉൾപ്പെട്ട ടീമാണ് ജേതാക്കൾ.

ചാമ്പ്യൻഷിപ്പിലെ ആദ്യ ജേതാക്കളാണിവർ. തൃക്കരിപ്പൂർ ഗവ വൊക്കേഷണൽ ഹയർ സെക്കൻഡറി സ്കൂൾ വിദ്യാർഥിനിയാണ് തേജശ്രീ. തന്മയ ബിജു തൃക്കരിപ്പൂർ സെയ്ൻറ് പോൾസ് എയുപി സ്‌കൂൾ വിദ്യാർഥിനിയും എ. ശ്രീലക്ഷ്മി ഉദിനൂർ ഗവ. ഹയർ സെക്കൻഡറി സ്‌കൂൾ വിദ്യാർഥിനിയുമാണ്. ആൺകുട്ടികളുടെ വിഭാഗത്തിൽ തൃക്കരിപ്പൂർ ഗവ. വൊക്കേഷണൽ ഹയർ സെക്കൻഡറി സ്കൂൾ വിദ്യാർഥി കെ. ശ്രീവിഷ്‌ണു ഉദിനൂർ ഗവ. ഹയർ സെക്കൻഡറി സ്‌കൂൾ വിദ്യാർഥി എ. ആകർഷ് എന്നിവരാണ് മത്സരിക്കുന്നത്. ഇടയിലക്കാട്ടെ കെ.വി. ബിജുവിന്റെ കീഴിലാണ് അഞ്ചുപേരുടെയും പരിശീലനം.