സംസ്ഥാന സബ് ജൂനിയർ ടെന്നിക്കോയ് ചാമ്പ്യൻഷിപ്പ്: തിളങ്ങി കാസർകോട്

തൃക്കരിപ്പൂർ എറണാകുളം പോത്താനിക്കാട് സെയ്ൻ്റ് സേവ്യേഴ്സ് പബ്ലിക് സ്‌കൂളിൽ വെച്ച് നടന്ന 44-ാമത് സംസ്ഥാന സബ് ജൂനിയർ ടെന്നിക്കോയ് ചാമ്പ്യൻഷിപ്പിൽ ജില്ലയ്ക്ക് മികച്ച നേട്ടം. പെൺകുട്ടികളുടെ ടീം ചാമ്പ്യൻഷിപ്പിൽ ജില്ലാ ടീം രണ്ടാം സ്ഥാനം നേടി. പെൺകുട്ടികളുടെ വ്യക്തിഗത ഡബിൾസ് വിഭാഗത്തിൽ എ. ശ്രീലക്ഷ്‌മി, എം. തേജശ്രീ എന്നിവർ ഒന്നാം സ്ഥാനം നേടി. പെൺകുട്ടികളുടെ വ്യക്തിഗത സിംഗിൾസിൽ തൻമയ ബിജുവിനും ആൺകുട്ടികളുടെ വ്യക്തിഗത ഡബിൾസിൽ എ. ആകർഷ്, കെ. ശ്രീവിഷ്ണു‌ എന്നിവർക്കും മിക്സഡ് ഡബിൾസിൽ ജഗത് കൃഷ്‌ണ, ശ്രീയ സത്യ എന്നിവർക്കും മൂന്നാം സ്ഥാനം ലഭിച്ചു. ഇടയിലെക്കാട്ടിലെ കെ.വി. ബിജുവാണ് പരിശീലകൻ. എം. സവിത, സി. പഞ്ചമി, നന്ദകിഷോർ എന്നിവരാണ് ടീം മാനേജർമാർ. 22 മുതൽ 26 വരെ തൃക്കരിപ്പൂരിൽ നടക്കുന്ന ദേശീയ സബ് ജൂനിയർ ടെന്നിക്കോയ് ചാമ്പ്യൻഷിപ്പിനുള്ള സംസ്ഥാന ടീമിൻന്റെ പരിശീലന ക്യാമ്പിലേക്ക് ജില്ലയിൽനിന്ന് എ. ആകർഷ്, കെ. ശ്രീവിഷ്‌ണു, തൻമയ ബിജു, എ. ശ്രീലക്ഷ്മി, എം. രേജശ്രീ എന്നിവരെ തിരഞ്ഞെടുത്തു. എല്ലാവരും ഇടയിലെക്കാട് സ്വദേശികളാണ്.