മാർത്തോമാ ബധിരവിദ്യാലയത്തിന് കിരീടം

ചെർക്കള : സംസ്ഥാന സ്പെഷ്യൽ സ്‌കൂൾ കലോത്സവത്തിൽ ചെർക്കള മാർത്തോമാ ബധിരവിദ്യാലയത്തിന് കിരീടം. ഹൈസ്‌കൂൾ, ഹയർ സെക്കൻഡറി വിഭാഗങ്ങളിലായി മത്സരിച്ച എല്ലാ ഇനങ്ങളിലും എ ഗ്രേഡ് നേടിയാണ് മാർത്തോമ വിദ്യാലയം കിരീടം സ്വന്തമാക്കിയത്.

ഹൈസ്കൂൾ വിഭാഗത്തിൽ സംഘനൃത്തം, മോണോ ആക്‌ട് (ആൺ), മോണോആക്ട‌് (പെൺ) എന്നീ ഇനങ്ങളിൽ എ ഗ്രേഡോടെ ഒന്നാം സ്ഥാനം നേടി.

ചിത്രീകരണം, മൈം, ദേശീയഗാനം, ചിത്രരചന, നാടോടിനൃത്തം, പദ്യപാരായണം എന്നീ ഇനങ്ങളിൽ എ ഗ്രേഡ് നേടി. ഹയർ സെക്കൻ്ററി വിഭാഗത്തിൽ ചിത്രീകരണം, സംഘനൃത്തം എന്നിവയിൽ എ ഗ്രേഡോടെ ഒന്നാംസ്ഥാനം നേടിയപ്പോൾ മോണോ ആക്‌ട് (പെൺ) വിഭാഗത്തിൽ എ ഗ്രേഡോടെ രണ്ടാം സ്ഥാനവും നേടി. മോണോ ആക്‌ട് (ആൺ), സംഘനൃത്തം എന്നിവയിൽ എ ഗ്രേഡോടെ മൂന്നാം സ്ഥാനത്ത് എത്താനും കഴിഞ്ഞു.

ചിത്രരചന, പെയിന്റിങ്, കാർട്ടൂൺ, ദേശീയഗാനം, മൈം എന്നിവയിൽ എ ഗ്രേഡ് നേടി. ചിത്രീകരണത്തിൽ സ്‌കൂളിലെ കിഷൻരാജ് മികച്ച നടനായി തിരഞ്ഞെടുക്കപ്പെട്ടു. ഇതാദ്യമായാണ് സ്‌കൂളിന് കലാകിരീടം ലഭിക്കുന്നത്. സ്കൂ‌ൾ പ്രഥമാധ്യാപിക എസ്. ഷീല, ടീം മാനേജർ കെ.ടി. ജോഷിമോൻ എന്നിവരുടെ നേത്യത്വത്തിലുള്ള ടീം പൊതുവിദ്യാഭ്യാസ ഡയറക്‌ടർ എൻ.എസ്.കെ. ഉമേഷിൽനിന്ന് ട്രോഫി ഏറ്റുവാങ്ങി.