വള്ളിക്കുന്നിൽ ജില്ലാ ജൂനിയർ വോളിബോൾ ചാമ്പ്യൻഷിപ്പിന് തുടക്കം

വള്ളിക്കുന്ന് അപ്പോളോ വള്ളിക്കുന്നിൻ്റെ ആഭിമുഖ്യത്തിൽ ജില്ലാ വോളിബോൾ അസോസിയേഷൻ നടത്തുന്ന ജില്ലാ ജൂനിയർ വോളിബോൾ ചാമ്പ്യൻഷിപ്പിന് വള്ളിക്കുന്ന് പഞ്ചായത്ത് മിനി സ്റ്റേഡിയത്തിൽ തുടക്കമായി. പരപ്പനങ്ങാടി പോലീസ് ഇൻസ്പെക്‌ടർ എം.കെ. നവീൻ ഷാജ് ചാമ്പ്യൻഷിപ്പ് ഉദ്ഘാടനം ചെയ്തു‌തു. ജില്ലാ വോളിബോൾ അസോസിയേഷൻ പ്രസിഡൻ്റ് എം. പ്രേംകുമാർ അധ്യക്ഷനായി. ചടങ്ങിൽ സംസ്ഥാന വോളിബോൾ അസോസിയേഷൻ ജോയിന്റ് സെക്രട്ടറി ബാബു പാലാട്ട്, ജില്ലാ അസോസിയേഷൻ ഭാരവാഹികളായ മുരളീധരൻ പാലാട്ട്, കെ.കെ. സുകുമാരൻ, പി. ഹുസൈൻ, കെ. ശശിധരൻ, കെ. കുഞ്ഞിക്കോയ, എം. ഉണ്ണികൃഷ്‌ണൻ, പ്രമോദ് പുളിയശ്ശേരി എന്നിവർ സംസാരിച്ചു. പെൺകുട്ടികളുടെ വിഭാഗത്തിൽ എട്ട് ടീമുകളും ആൺകുട്ടികളും വിഭാഗത്തിൽ 12 ടീമുകളും പങ്കെടുക്കുന്നുണ്ട്. ഈ മത്സരങ്ങളിൽനിന്ന് സംസ്ഥാന ചാമ്പ്യൻഷിപ്പിൽ ജില്ലയെ പ്രതിനിധീകരിക്കുന്ന ജില്ലാ ടീമിനെ തിരഞ്ഞെടുക്കും.