റാഞ്ചിയോളം; ഇന്ത്യ-ദക്ഷിണാഫ്രിക്ക ഏകദിനം ഞായറാഴ്ച ഉച്ചയ്ക്ക് 1.30 മുതൽ റാഞ്ചിയിൽ

റാഞ്ചിയോളം; ഇന്ത്യ-ദക്ഷിണാഫ്രിക്ക ഏകദിനം ഞായറാഴ്ച ഉച്ചയ്ക്ക് 1.30 മുതൽ റാഞ്ചിയിൽ
റാഞ്ചിയോളം; ഇന്ത്യ-ദക്ഷിണാഫ്രിക്ക ഏകദിനം ഞായറാഴ്ച ഉച്ചയ്ക്ക് 1.30 മുതൽ റാഞ്ചിയിൽ
Share  
2025 Nov 30, 09:21 AM
vasthu
BHAKSHASREE
mahathma
mannan

റാഞ്ചി: ഇന്ത്യൻ ക്രിക്കറ്റ് ടീമിൽ കളിക്കാൻ ഇറങ്ങിയാലും ഇറങ്ങിയില്ലെങ്കിലും ഒരുപോലെ വാർത്തയാകുന്ന രണ്ടുപേരുണ്ട്. രോഹിത് ശർമയും വിരാട് കോലിയും. ഇടവേളയ്ക്കുശേഷം ഇന്ത്യ ഏകദിനം കളിക്കാനിറങ്ങുമ്പോഴും പ്രധാനശ്രദ്ധ ഇവരിലാണ്. ദക്ഷിണാഫ്രിക്കയ്ക്കെ‌തിരായ ഏകദിന പരമ്പരയിലെ ആദ്യമത്സരത്തിന് ഞായറാഴ്‌ച ഇറങ്ങുമ്പോഴും ഈ സീനിയേഴ്സാണ് വാർത്തയിൽ നിറഞ്ഞുനിൽക്കുന്നത്. ഉച്ചയ്ക്ക് 1.30 മുതൽ റാഞ്ചിയിലാണ് മത്സരം.


ടെസ്റ്റ്, ട്വന്റി 20 ഫോർമാറ്റുകളിൽനിന്ന് വിരമിച്ച രോഹിത് ശർമയും വിരാട് കോലിയും ഏകദിനത്തിൽ എത്രകാലം തുടരുമെന്ന ചോദ്യം ഉയരുന്നുണ്ട്. 2027 ലോകകപ്പുവരെ ടീമിൽ തുടരണമെങ്കിൽ ഇനിയുള്ള ഓരോ കളിയിലും ടീം മാനേജ്മെന്റിന് ആത്മവിശ്വാസം നൽകേണ്ടതുണ്ട്. അതിലെ മൂന്നുമത്സരങ്ങളാണ് വരുംദിവസങ്ങളിൽ നടക്കുന്നത്. ജനുവരിൽ ന്യൂസീലൻഡിനെതിരേയും മൂന്നുമത്സരങ്ങളുണ്ട്.


നയിക്കാൻ രാഹുൽ


സ്ഥിരം ക്യാപ്റ്റൻ ശുഭ്‌മൻ ഗില്ലും വൈസ് ക്യാപ്റ്റൻ ശ്രേയസ് അയ്യരും പരിക്കേറ്റ് പുറത്തായതിനാൽ കെ.എൽ. രാഹുലാണ് ഇന്ത്യയെ നയിക്കുക. രാഹുൽ വിക്കറ്റ് കീപ്പർ ആയതിനാൽ ഋഷഭ് പന്തിൻ്റെ സ്ഥാനം അനിശ്ചിതത്വത്തിലായി. രോഹിതും യശസ്വി ജയ്‌സ്വാളും ചേർന്നാണ് ഓപ്പൺ ചെയ്യുക. വൺഡൗണായി കോലിയുണ്ട്. മറ്റൊരു ഓപ്പണർ ഋതുരാജ് ഗെയ്ക്‌വാദും ടീമിലുണ്ട്.


ഋതുരാജിന് സീനിയർ ടീമിൽ മതിയായ അവസരം കിട്ടിയില്ലെന്ന ആലോചന ടീം മാനേജ്‌മെന്റിനുണ്ട്. അതുകൊണ്ട് നാലാം നമ്പറിൽ അദ്ദേഹത്തെ പരിഗണിച്ചുകൂടായ്കയില്ല. തിലക് വർമ, ഋഷഭ് പന്ത് എന്നിവരും ഈ സ്ഥാനത്തേക്ക് പരിഗണനയിലുണ്ട്.


സ്പിന്നിന് അനുഗുണമായ റാഞ്ചിയിലെ പിച്ചിൽ സ്‌പിൻ ഓൾറൗണ്ടർമാരായ വാഷിങ്‌ടൺ സുന്ദർ, രവീന്ദ്ര ജഡേജ എന്നിവർക്കാണ് മുൻതൂക്കം. സ്പെഷലിസ്റ്റ് സ്‌പിന്നർ കുൽദീപ് യാദവും ഇടംപിടിക്കുമോ എന്നാണ് അറിയേണ്ടത്. ജസ്പ്രീത് ബുഹയ്ക്കും മുഹമ്മദ് സിറാജിനും വിശ്രമം അനുവദിച്ചതിനാൽ അർഷ്ദീപ് സിങ്, പ്രസിദ്ധ് കൃഷ്‌ണ എന്നിവർക്കായിരിക്കും പേസ് വിഭാഗത്തിൻ്റെ നേത്യത്വം. ഹർഷിത് റാണ, പേസ് ഓൾറൗണ്ടർ നിധീഷ് കുമാർ റെഡ്ഡി എന്നിവരും ടീമിലുണ്ട്.


ആവേശത്തിൽ ദക്ഷിണാഫ്രിക്ക


ഏകദിനത്തിൽ ഇന്ത്യ ഒന്നാം റാങ്കിലും ദക്ഷിണാഫ്രിക്ക ആറാമതുമാണ്. ആതിഥേയരുമായി താരതമ്യമില്ലെങ്കിലും ഇക്കഴിഞ്ഞ ടെസ്റ്റ് പരമ്പരയിൽ ഇന്ത്യയെ 2-0ത്തിന് മറികടന്നതിൻ്റെ ആത്മവിശ്വാസം ദക്ഷിണാഫ്രിക്കയ്ക്കുണ്ട്. തെംബ ബവുമ നയിക്കുന്ന ടീമിൽ പേസ് കരുത്തനായ കാഗിസോ റബാഡയില്ല. പകരം മാർക്കോ യാൻസൻ, ലുങ്കി എൻഗീഡി, നാന്ദ്രെ ബർഗർ എന്നിവർക്കാകും ചുമതല. സ്പ‌ിൻ വിഭാഗത്തിൽ, ടെസ്റ്റിൽ ഇന്ത്യയെ കുഴക്കിയ കേശവ് മഹാരാജുണ്ട്.

MANNAN
VASTHU
KODAKKADAN
THARANI
AJMI
AJMI
BH
AJMMI
b

വാർത്തകൾ പ്രസിദ്ധീകരിക്കാൻ

9895745432 8714910399

കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .

Join WhatsApp Group

Related Articles

THARANI
thanachan