കണ്ണൂർ: ആശ്വാസജയം തേടി കണ്ണൂർ വാരിയേഴ്സ് എഫ്സി സീസണിലെ അവസാന ഹോം മത്സരത്തിനായി വെള്ളിയാഴ്ച ഇറങ്ങും. കണ്ണൂർ മുനിസിപ്പൽ ജവാഹർ സ്റ്റേഡിയത്തിൽ നടക്കുന്ന മത്സരത്തിൽ കരുത്തരായ കാലിക്കറ്റ് എഫ്സിയാണ് എതിരാളികൾ. കഴിഞ്ഞമത്സരം സ്വന്തം ആരാധകർക്ക് മുന്നിൽ പരാജയപ്പെട്ടാണ് കണ്ണൂർ വാരിയേഴ്സ് ഇറങ്ങുന്നത്. നാല് മത്സരങ്ങൾ കളിച്ചപ്പോൾ രണ്ട് തോൽവിയും രണ്ട് സമനിലയുമാണ് കണ്ണൂരിന്റെ ഹോം സ്റ്റേഡിയത്തിലെ സമ്പാദ്യം.
സൂപ്പർലീഗ് കേരളയിൽ സെമി ഫൈനലിന് യോഗ്യത നേടാൻ കണ്ണൂരിന് ഇനിയുള്ള രണ്ട് മത്സരങ്ങളും ജയിക്കേണ്ടിവരും. ഫോഴ്സ കൊച്ചിക്കെതിരേ ഇറങ്ങിയ ടീമിൽ അടിമുടി മാറ്റങ്ങളുണ്ടാകാനാണ് സാധ്യത. പരിക്കാണ് ടീമിനെ അലട്ടുന്നത്. മധ്യനിരയിൽ ടീമിൻ്റെ കളി നിയന്ത്രിക്കുന്ന ലവ്സാംബി കഴിഞ്ഞ മത്സരത്തിൽ പരിക്കേറ്റ് പുറത്തുപോയിരുന്നു. അതോടൊപ്പം അസിയർ ഗോമസ്, ടി. ഷിജിൻ, ഷിബിൻ സാദ് തുടങ്ങിയവർ പരിക്ക് മാറി ടീമിൽ തിരിച്ചത്തുമെന്ന് പ്രതീക്ഷിക്കാം.
കാലിക്കറ്റിനെ തോൽപ്പിച്ചാൽ പോയിൻ്റ് പട്ടികയിൽ കണ്ണൂരിന് മൂന്നാം സ്ഥാനത്തെത്താം. സമനിലയിൽ പിരിഞ്ഞാൽ നാലാമതാവും.
സൂപ്പർലീഗിലെ നിലവിലെ ചാമ്പ്യൻമാരും കരുത്തരുമാണ് കാലിക്കറ്റ് എഫ്സി. സെമിഫൈനലിന് ഇതിനകം അവർ യോഗ്യത നേടിയിട്ടുണ്ട്. എട്ട് മത്സരങ്ങൾ പൂർത്തിയായപ്പോൾ 17 ഗോളാണ് ടീം സ്വന്തമാക്കിയത്. അവസാനമത്സരത്തിൽ മലപ്പുറം എഫ്സിയെ ഒന്നിനെതിരേ മൂന്നുഗോളുകൾക്ക് തോൽപ്പിച്ചാണ് കാലിക്കറ്റിന്റെ വരവ്. അറ്റാക്കിങ്ങിൽ ലീഗിലെ ടോപ് സ്കോറർ മുഹമ്മദ് അജ്സലും അസിസ്റ്റിലെ ഒന്നാമൻ പ്രശാന്തുമാണ് ടീമിൻ്റെ കരുത്ത്. അജ്സൽ ആറുഗോൾ നേടിയപ്പോൾ പ്രശാന്ത് മൂന്നു അസിസ്റ്റും മൂന്നുഗോളും സ്വന്തമാക്കി. മധ്യനിരയിൽ കളി നിയന്ത്രിക്കാൻ ഫെഡറിക്കോ ബോവാസോ ഉണ്ട്. കൂട്ടിന് പെരേരയും.
ഗോൾപോസ്സിൽ കഴിഞ്ഞ സീസണിലെ മികച്ച ഗോൾ കീപ്പർ ഹജ്മൽ സക്കീൻ. നിലവിൽ ഏറ്റവും കൂടുതൽ സേവ് നടത്തിയ കീപ്പറും ഹജ്മൽ ആണ്.
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്ത് ജോയിൻ ചെയ്താലും .
Join WhatsApp Group












_h_small.jpg)




_h_small.jpg)

