സംസ്ഥാന ജൂനിയർ വടംവലി ചാമ്പ്യൻഷിപ്പ് സമാപിച്ചു

പാണ്ടിക്കാട് : 26-ാമത് സംസ്ഥാന ജൂനിയർ വടംവലി ചാമ്പ്യൻഷിപ്പ് പന്തല്ലൂർ ഹയർസെക്കൻഡറി സ്‌കൂൾ ഗ്രൗണ്ടിൽ നടന്നു. മലപ്പുറം വടംവലി അസോസിയേഷൻ്റേയും പന്തല്ലൂർ ഹയർസെക്കൻഡറി സ്‌കൂളിന്റേയും സംയുക്താഭിമുഖ്യത്തിലാണ് ചാമ്പ്യൻഷിപ്പ് നടന്നത്.

560 കിലോഗ്രാം ആൺകുട്ടികളുടെ വിഭാഗത്തിൽ പാലക്കാട്, കണ്ണൂർ, തൃശ്ശൂർ എന്നീ ജില്ലകൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. 540 കിലോഗ്രാം മിക്‌സ്‌ഡ് വിഭാഗത്തിൽ പാലക്കാട്, കണ്ണൂർ, ഇടുക്കി എന്നീ ജില്ലകളും യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.

460 കിലോഗ്രാം പെൺകുട്ടികളുടെ വിഭാഗത്തിൽ തൃശ്ശൂർ ജില്ലയാണ് ചാമ്പ്യന്മാർ കണ്ണൂർ രണ്ടാംസ്ഥാനവും, കാസർകോഡ് മൂന്നാം സ്ഥാനവും നേടി. സംസ്ഥാന സ്പോർട്‌സ് കൗൺസിൽ പ്രസിഡൻ്റ് യു. ഷറഫലി പാമ്പ്യൻഷിപ്പ് ഉദ്ഘാടനംചെയ്തു.

സ്കൂൾ മാനേജർ എം.പി. അബ്‌ദുൽ അസീസ് അധ്യക്ഷത വഹിച്ചു. സംസ്ഥാന വടംവലി അസോസിയേഷൻ സംസ്ഥാന സെക്രട്ടറി ഷാൻ മുഹമ്മദ്, ജില്ലാ പ്രസിഡന്റ് എ. നിസാറലി, സെക്രട്ടറി സജൻദാസ്, സ്‌കൂൾ പ്രിൻസിപ്പൽ പ്രദീപ് ജി നായർ, പിടിഎ പ്രസിഡൻ്റ് കെ.പി. മുഹമ്മദ് ഷാഫി തുടങ്ങിയവർ പ്രസംഗിച്ചു.