ദേശീയതല കലോത്സവമായ ‘നൃത്യ 2025’–ൽ iCHCയുടെ മികവാർന്ന അവതരണങ്ങൾ

ലാസ്യഭാവം നിറച്ച് സംഘനൃത്തം

iCHCയിലെ ഗുരു മീന കുറുപ്പിന്റെ ശിഷ്യർ അവതരിപ്പിച്ച സംഘനൃത്തം ലാസ്യം, താളം, ഭാവം എന്നിവയുടെ മനോഹരമായ സമന്വയം കൊണ്ട് വേറിട്ടുനിന്നു. iCHCയുടെ പാർട്ടണറും നൃത്തസംവിധായകയുമായ ശ്രീമതി ഗായത്രി കൃഷ്ണനാണ് ഈ ശ്രദ്ധേയമായ കൊറിയോഗ്രഫി നിർവഹിച്ചത്. ദേശീയവേദിയിലെത്തിയ ഈ അവതരണം കാണികളുടെ മുക്തകണ്ഠമായ പ്രശംസ നേടി.

കുചേല വൃത്തം കഥകളിയായി വേദിയിൽ

iCHCയുടെ മാനേജിംഗ് ഡയറക്ടറും നർത്തകിയുമായ ഗുരു മീന കുറുപ്പും, സഹനർത്തകിയായ സീന ഉണ്ണിയും ചേർന്നാണ് കഥകളി അവതരിപ്പിച്ചത്. കുചേല വൃത്തത്തിലെ ഒരു ഭാഗമാണ് ഇവർ വേദിയിലെത്തിച്ചത്. കഥ, സ്വരശുദ്ധി, അഭിനയം, അഹാര്യം എന്നിവ സമന്വയിപ്പിച്ച ഈ കഥകളി അവതരണം ഉത്സവത്തിന്റെ കലാമികവ് വർധിപ്പിച്ചു. പ്രശസ്ത കഥകളി കലാകാരൻ കലാമണ്ഡലം അരവിന്ദ് ആണ് ഇവരുടെ ഗുരു.

.

ദേശീയതലത്തിൽ നിന്നുള്ള നിരവധി കലാകാരന്മാരും സ്ഥാപനങ്ങളും പങ്കെടുത്ത കലോത്സവത്തിൽ iCHCയുടെ അവതരണങ്ങൾ സംഘാടകരുടെയും പ്രേക്ഷകരുടെയും പ്രത്യേക അഭിനന്ദനം ഏറ്റുവാങ്ങി