ബത്തേരി പ്രീമിയർ ലീഗ് ക്രിക്കറ്റിൽ കാസ്‌ക് അഞ്ചുകുന്ന് ജേതാക്കൾ

സുൽത്താൻബത്തേരി : എബനേസർ എജുക്കേഷൻ ചാരിറ്റബിൾ ട്രസ്റ്റ് സംഘടിപ്പിച്ച എബനേസർ ബത്തേരി പ്രീമിയർ ലീഗ് ക്രിക്കറ്റ് ടൂർണമെൻ്റിൽ കാസ്ക്‌ക് അഞ്ചുകുന്ന് ജേതാക്കളായി. സുൽത്താൻ ബോയ്‌സ് ബത്തേരി, സ്പൈഡേഴ്‌സ് പനമരം, കിങ്സ് ബത്തേരി എന്നീ ടീമുകൾ രണ്ട്, മൂന്ന്, നാല് സ്ഥാനങ്ങൾ നേടി. പ്ലെയർ ഓഫ് ദി സീരിസ് ആയി ജാഫർ മുട്ടിൽ, ഫൈനൽ മാൻ ഓഫ് ദി മാച്ച് ആയി ഗഫൂർ എംസിസി, മികച്ച ബാറ്ററായി ഹമീദ് പോളാട്, മികച്ച ബൗളറായി ജെയ്‌സൺ പടിഞ്ഞാറത്തറ എന്നിവർ തിരഞ്ഞെടുക്കപ്പെട്ടു.

മികച്ച താരങ്ങളായ 24 പേർക്ക് മാൻ ഓഫ് ദി മാച്ച് നൽകി, സമാപനസമ്മേളനം ബത്തേരി രൂപതാധ്യക്ഷൻ ഡോ. ജോസഫ് മാർ തോമസ് ഉദ്ഘാടനംചെയ്ത് വിജയികൾക്ക് ട്രോഫിയും കാഷ് പ്രൈസും നൽകി. എബനേസർ ചാരിറ്റബിൾ ട്രസ്റ്റ് മാനേജിങ് ഡയറക്‌ടർ ബില്ലിഗ്രഹാം അധ്യക്ഷത വഹിച്ചു. ഏറനാട് ചിറ്റ്സ് എം.ഡി. മോഹനൻ, മത്തായി പുളിനാക്കുഴി, പി.കെ. അച്യുതൻ, ഫാ. സുനിൽ ഇടച്ചേരി, എൽ. സിന്ധു, ഫാത്തിമാ യൂസഫ്, ഷാഹിദാ ഷാഹിദ്, സത്യൻ, എം.ജെ. സുധീഷ് എന്നിവർ സംസാരിച്ചു.