ശിശുദിനത്തിൽ സന്ദേശം: 'പ്രകൃതി തന്നെ ലഹരി'; ബിജു കാരക്കോണത്തിൻ്റെ ഫോട്ടോ പ്രദർശനം ശ്രദ്ധേയമായി

ജന്മദിനമാണ് ശിശുദിനമായി ആചരിക്കുന്നത്. കുട്ടികളെ ഏറെ സ്നേഹിച്ചിരുന്ന 'ചാച്ചാജി'യുടെ ഓർമ്മകൾക്ക് മുന്നിൽ, കുട്ടികളുടെ ഉന്നമനം ലക്ഷ്യമിട്ടാണ് ഈ ദിനം ആഘോഷിക്കപ്പെടുന്നത്.

ഈ ശിശുദിനത്തിൽ, 'പ്രകൃതി തന്നെ ലഹരി' എന്ന സുപ്രധാന സന്ദേശം പുതിയ തലമുറയിലേക്ക് എത്തിക്കുക എന്ന ലക്ഷ്യത്തോടെയാണ് ബിജു കാരക്കോണം പ്രദർശനം സംഘടിപ്പിച്ചത്.

ചൈൽഡ് ഡെവലപ്‌മെന്റ് കൗൺസിൽ മെമ്പർ അഡ്വക്കേറ്റ് മേരി

ജോൺ പ്രദർശനം ഉദ്ഘാടനം ചെയ്തു. പ്രകൃതിയുമായുള്ള അടുപ്പം കുട്ടികളെ മാരകമായ രാസലഹരികളിൽ നിന്നും അകറ്റി നിർത്തുമെന്ന ശക്തമായ സന്ദേശമാണ് വന്യജീവി ഫോട്ടോഗ്രാഫറായ ബിജു കാരക്കോണം തൻ്റെ ചിത്രങ്ങളിലൂടെ പങ്കുവെച്ചത്.

പ്രകൃതിയുടെ മനോഹരമായ സൗന്ദര്യവും വന്യജീവികളുടെ വിസ്മയക്കാഴ്ചകളും ഒപ്പിയെടുത്ത ചിത്രങ്ങൾ കുട്ടികളെ ഏറെ ആകർഷിക്കുകയും പ്രകൃതിയിലേക്ക് ആകർഷിക്കാൻ സഹായിക്കുകയും ചെയ്തു.

പ്രകൃതിയുടെ ഈ ലഹരിയെ ജീവിതത്തിലേക്ക് ആവാഹിക്കുന്നതിലൂടെ കുട്ടികൾ മറ്റു ലഹരി പദാർത്ഥങ്ങളിൽ നിന്ന് വിട്ടുനിൽക്കുമെന്ന ശക്തമായ സന്ദേശമാണ് പ്രദർശനം നൽകിയത്.

പരിപാടിയിൽ എം. രാധാകൃഷ്ണൻ നായർ, കരിക്കകം ക്ഷേത്രം പ്രസിഡന്റ് ശ്രീ കെ. പ്രതാപചന്ദ്രൻ, ട്രഷറർ ഗോപകുമാരൻ നായർ, എഡ്യൂക്കേഷൻ കമ്മിറ്റി കൺവീനർ ഡോക്ടർ ഹരീന്ദ്രൻ നായർ എന്നിവർ പങ്കെടുത്തു. കൂടാതെ, കരിക്കകം ചാമുണ്ഡി ടെമ്പിൾ ട്രസ്റ്റ് അംഗങ്ങളായ ശ്രീകണ്ഠൻ നായർ, വിക്രമൻ നായർ, രാജേന്ദ്രൻ നായർ, സുകുമാരൻ നായർ, ഭാർഗവാൻ നായർ എന്നിവരും സന്നിഹിതരായിരുന്നു.