സെയ്ന്റ് ഡൊമിനിക്‌സ്‌ കോളേജ് ജേതാക്കൾ

കാഞ്ഞിരപ്പള്ളി: ജില്ലാ വെയിറ്റ് ലിഫ്റ്റിങ് അസോസിയേഷൻ സെയ്ന്റ് ഡൊമിനിക്സ് കോളേജിൽ നടത്തിയ ചാമ്പ്യൻഷിപ്പിൽ കാഞ്ഞിരപ്പള്ളി സെയ്ന്റ് ഡൊമിനിക്സ് കോളേജ് 295 പോയിൻ്റ് നേടി ഓവറോൾ ജേതാക്കളായി,

യൂത്ത്, ജൂനിയർ, സീനിയർ വിഭാഗങ്ങളിലാണ് ആൺകുട്ടികൾക്കും പെൺകുട്ടികൾക്കും മത്സരം നടന്നത്. സീനിയർ, ജൂനിയർ, ആൺകുട്ടികളുടെയും പെൺകുട്ടികളുടെയും വിഭാഗങ്ങളിൽ ചാമ്പ്യന്മാരായാണ് സെയ്ന്റ് ഡൊമിനിക്‌സ് കോളേജ് ഓവർഓൾ ചാമ്പ്യൻഷിപ്പ് നേടിയത്.

കോളേജിന് വേണ്ടി അതുൽ കെ.രാജു, അർജുൻ സനീഷ്, സനോ കുര്യൻ, മുഹമ്മദ് യാസീൻ വി.ആർ, റോയി ഫിലിപ്പ്, നൃപൻ ശ്യാം എന്നിവർ ആൺകുട്ടികളുടെ വിഭാഗത്തിലും. മരിയറ്റ് മാത്യു, മരിയ സ്‌കറിയാ, ആൻ ട്രീസ മാത്യു ഡെന്ന മരിയ, സേവിയമോൾ സനീഷ്, എം.എസ്. അമൃത എന്നിവർ സ്വർണമെഡൽ നേടി.

ജൂനിയർ വിഭാഗത്തിൽ കോളേജിൽ നിന്നും മത്സരിച്ച അതുൽ കെ. രാജുവിനെ ബെസ്റ്റ‌് ലിഫ്റ്ററായി തിരഞ്ഞെടുത്തു. ഡിസംബറിൽ തൃശ്ശൂരിൽ നടക്കുന്ന സംസ്ഥാന ചാമ്പ്യൻഷിപ്പിൽ പങ്കെടുക്കുവാൻ ഇവർ യോഗ്യത നേടി.