സെപക് താക്രോ ജൂനിയർ ചാമ്പ്യൻഷിപ്പ് എറണാകുളം, തൃശ്ശൂർ ചാമ്പ്യന്മാർ

കാലടി: സംസ്ഥാനതല സെപക് താക്രോ ജൂനിയർ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ എറണാകുളം ജില്ലയും പെൺകുട്ടികളുടെ വിഭാഗത്തിൽ തൃശ്ശൂർ ജില്ലയും ചാമ്പ്യൻമാരായി. ഒക്കൽ ശ്രീനാരായണ ഹയർസെക്കൻഡറി സ്‌കൂൾ മാനേജർ ടി.എൻ. പുഷ്‌പാംഗദൻ, ജോബി വാളുക്കാരൻ എന്നിവർ ചേർന്ന് ട്രോഫി നൽകി. ശ്രീ ശങ്കരാ കോളേജ് ഇൻഡോർ സ്റ്റേഡിയത്തിൽ രണ്ട് ദിവസമായി നടന്ന മത്സരങ്ങളിൽ 400 ഓളം വിദ്യാർഥികൾ പങ്കെടുത്തു.