ഷാർജ പുസ്തകോത്സവത്തിൽ ചരിത്രസംഗമം: ഡോ. കെ.കെ.എൻ. കുറുപ്പിന്റെ 'കർഷക സമരങ്ങൾ' ഇംഗ്ലീഷിൽ; മകളുടെ ഗവേഷണ ഗ്രന്ഥവും പ്രകാശനം ചെയ്യും

നവംബർ 10-ന് വൈകിട്ട് 6 മണിക്ക് നടക്കുന്ന ചടങ്ങിൽ, കുറുപ്പിന്റെ പ്രശസ്ത ഗ്രന്ഥമായ 'കേരളത്തിലെ കർഷക സമരങ്ങൾ'-ന്റെ പരിഷ്കരിച്ച ഇംഗ്ലീഷ് പതിപ്പായ Agrarian Struggle in Kerala റിലീസ് ചെയ്യും. കാലങ്ങളായി ലഭ്യമായിരുന്നില്ലാത്ത ഈ സുപ്രധാന പുസ്തകം കോഴിക്കോട് ലിപി പബ്ളിക്കേഷൻസാണ് പുനഃപ്രസിദ്ധീകരിക്കുന്നത്.

പ്രൊഫ. കെ.കെ.എൻ. കുറുപ്പ്:

ചരിത്ര പഠനത്തിലെ മലബാറിൻ്റെ മുഖം

ഇന്ത്യൻ ചരിത്ര ഗവേഷണ രംഗത്തെ അതികായരിൽ ഒരാളാണ് ഡോ. കെ.കെ.എൻ. കുറുപ്പ്. കാർഷിക ബന്ധങ്ങൾ, കൊളോണിയൽ ചരിത്രം, തെയ്യം, വില്ല്യം ലോഗൻ തുടങ്ങിയ വിഷയങ്ങളിൽ അദ്ദേഹത്തിൻ്റെ പഠനങ്ങൾ ആധികാരികമായി കണക്കാക്കപ്പെടുന്നു. കാലിക്കറ്റ് സർവകലാശാലയുടെ മുൻ വൈസ് ചാൻസലർ എന്ന നിലയിലും കേരള സർക്കാരിൻ്റെ സെന്റർ ഫോർ ഹെറിറ്റേജ് സ്റ്റഡീസിന്റെ മുൻ ഡയറക്ടർ ജനറൽ എന്ന നിലയിലും അദ്ദേഹത്തിൻ്റെ സംഭാവനകൾ ശ്രദ്ധേയമാണ്.'ശുദ്ധമായ ഭക്ഷണം ജന്മാവകാശം' എന്ന സന്ദേശവുമായി വടകര കേന്ദ്രമായി പ്രവർത്തിക്കുന്ന ഭക്ഷ്യശ്രീ ബഹുജന സംഘടനയുടെ സംസ്‌ഥാന ചെയർമാൻ കൂടിയാണ് ഗ്രന്ഥകർത്താവ് .

അച്ഛനും മകളും ഒരേ വേദിയിൽ

ഈ പ്രകാശന ചടങ്ങിന് മറ്റൊരപൂർവത കൂടിയുണ്ട്. ഇതേ വേദിയിൽ തന്നെ, ഡോ. കെ.കെ.എൻ. കുറുപ്പിൻ്റെ മകളും ഗവേഷകയുമായ ശ്രീമതി മീന കുറുപ്പിന്റെ ഡോക്ടറൽ പ്രബന്ധത്തിൻ്റെ അവലോകന ഗ്രന്ഥവും ലിപി പബ്ളിക്കേഷൻസ് പുറത്തിറക്കും. കാലിക്കറ്റ് യൂണിവേഴ്സിറ്റി തൃശൂർ സാമ്പത്തിക വകുപ്പിൽ കേരളത്തിലെ ഗ്രാമീണ ബാങ്കുകളെ പറ്റി മീന കുറുപ്പ് നടത്തിയ പഠനത്തിൻ്റെ അവലോകനമാണ് പ്രകാശനം ചെയ്യുന്നത്.

യു.എ.ഇ.യിൽ ഒരാഴ്ച നീളുന്ന ചർച്ചകൾ

പുസ്തക പ്രകാശനത്തിന് മുന്നോടിയായി, ഡോ. കെ.കെ.എൻ. കുറുപ്പ് യു.എ.ഇ.യിലെ സാംസ്കാരിക കേന്ദ്രങ്ങളിൽ ഒരാഴ്ച നീളുന്ന സംവാദങ്ങളിൽ പങ്കെടുക്കും. നവംബർ 7 മുതൽ 12 വരെയാണ് അദ്ദേഹത്തിൻ്റെ യു.എ.ഇ. പര്യടനം. ചരിത്രം, കാർഷിക ബന്ധങ്ങൾ, കേരള പഠനം എന്നീ വിഷയങ്ങളെ അടിസ്ഥാനമാക്കിയുള്ള ചർച്ചകളാണ് വിവിധ വേദികളിലായി സംഘടിപ്പിക്കുന്നത്.

യു.എ.ഇ.യിലെ പരിപാടികളെക്കുറിച്ചുള്ള കൂടുതൽ വിവരങ്ങൾക്കായി ബന്ധപ്പെടുക: ബാർജീഷ് - ‪+971 54 515 1146

പ്രായം തളർത്താത്ത ആത്മവീര്യം !

തുടർന്ന് വായിക്കാൻ ലിങ്കിൽ ക്ലിക്കുചെയ്താലും 

https://epaper.janmabhumi.in/c/78463357