സേലം ടു സായ്

തിരുവനന്തപുരം: ഒരുവർഷം മുൻപ് തമിഴ്‌നാട്ടിലെ സേലത്തുനിന്ന് തിരുവനന്തപുരം സായിയിലേക്ക് വണ്ടികയറുമ്പോൾ ബാലമുരളീകൃഷ്‌ണന് ഒരു സ്വപ്നമുണ്ടായിരുന്നു. അറിയപ്പെടുന്ന തയ്ക്വാൻഡോ താരമാകണം എന്ന സ്വ‌പ്നം.

ആ യാത്രയ്ക്ക് ഇത്തവണ സംസ്ഥാന കായികമേളയിലെ സ്വർണനേട്ടത്തോടെ എസ്.ബാലമുരളീകൃഷ്‌ണൻ തുടക്കമിട്ടു. ജൂനിയർ അണ്ടർ-41 കിലോഗ്രാം വിഭാഗത്തിൽ ആലപ്പുഴയുടെ ആഷിക്കിനെ തോൽപ്പിച്ചാണ് സ്വർണം നേടിയത്.

തിരുവനന്തപുരത്തിനുവേണ്ടി മത്സരിച്ച ബാലമുരളീകൃഷ്‌ണൻ തുണ്ടത്തിൽ എംവിഎച്ച്എസിലെ ഒൻപതാം ക്ലാസുകാരനാണ്. നാലുവർഷമായി ജൂഡോ പരിശീലിക്കുന്നു.

മണിപ്പുരുകാരി കാനോൺ ബാലവേദിയാണ് കോച്ച്. പിന്തുണയുമായി ഹാൻഡ്‌ബോൾ ദേശീയതാരവും തമിഴ്‌നാട് ജില്ലാ സ്‌പോർട്‌സ് ഓഫീസറുമായ പിതാവ് ആർ.സുരേഷ്‌കുമാർ കൂടെയുണ്ട്. സി.ഉമാറാണിയാണ് അമ്മ.