നൃത്തവേദിയിലെ വിസ്മയം: വിത്തിൽ ഒളിഞ്ഞിരിക്കുന്ന വൃക്ഷം – സേറാ അഭിത്ത് :ദിവാകരൻ ചോമ്പാല

പ്രതിഭയുടെ വൈവിധ്യം

സേറയുടെ പ്രകടനങ്ങളെ ശ്രദ്ധേയമാക്കുന്നത്, ഭാരതീയ നൃത്തച്ചുവടുകളുടെ പാരമ്പര്യവും പാശ്ചാത്യ നൃത്തശൈലികളുടെ ആധുനികതയും ഒരുപോലെ അനായാസേന കൈകാര്യം ചെയ്യുന്നു എന്നതാണ്.

ഓരോ ചുവടിലും താളബോധം നിറച്ച്, ശരീരത്തെ നിയന്ത്രിച്ച് അവൾ നീങ്ങുമ്പോൾ, അവളെ നോക്കി "മിടുക്കി! മിടുമിടുക്കി!" എന്ന വിളി അക്ഷരാർത്ഥത്തിൽ ശരിയാണെന്ന് തോന്നാം. ഗുരുനാഥന്മാരില്ലാതെ ടി വി പ്രോഗ്രാമുകളിലും സിനിമകളിലും കാണുന്ന നൃത്തച്ചുവടുകൾ സ്വംശീകരിക്കുന്നത് ജന്മവാസനകൊണ്ടുമാത്രം .

യോഗയുടെ സൗന്ദര്യവും ബ്രേക്ക് ഡാൻസിന്റെ ഊർജ്ജവും

ചലനങ്ങളിലെ കൃത്യതയും വഴക്കവും കണ്ട പ്രേക്ഷകർ, "യോഗയുടെ എല്ലാ ഗുണങ്ങളും ഈ ശരീരചലങ്ങളിലൂടെ ലഭിക്കുമെന്ന് ആശ്വസിക്കുന്നുവെന്ന് അഭിപ്രായപ്പെട്ടത് വെറുതെയല്ല. സേറയുടെ നൃത്തം, കായികക്ഷമതയുടെയും മാനസിക ഏകാഗ്രതയുടെയും ഒരു സമ്മേളനം കൂടിയാണ്.

മാത്രമല്ല, 1970-കളിൽ ന്യൂയോർക്ക് സിറ്റിയിലെ തെരുവുകളിൽ ഹിപ് ഹോപ്പ് സംസ്കാരത്തിന്റെ ഭാഗമായി പിറവിയെടുത്ത ബ്രേക്ക് ഡാൻസ് പോലുള്ള പാശ്ചാത്യ നൃത്ത രൂപങ്ങൾ, ഇന്ന് നമ്മുടെ നാട്ടിലെ ഉൾനാടൻ ഗ്രാമങ്ങളിലെ കൊച്ചുകുട്ടികൾ വരെ അനുകരിക്കുന്നത് കാണാം. അത്തരമൊരു നൃത്ത രൂപത്തിന്റെ ചടുലതയും ചാറ്റൽ താളങ്ങളും സേറാ തൻ്റെ പ്രകടനങ്ങളിലേക്ക് സ്വാംശീകരിക്കുന്നത് ഒരു അപൂർവ കാഴ്ചയാണ്.ജന്മവാസനയും മാതാപിതാക്കളുടെ പ്രോത്സാഹനവുമാണ് മുഖ്യ പ്രേരകശക്തി .

പൈതൃകത്തിന്റെ താളം

സേറയ്ക്ക് ആട്ടവും പാട്ടും കൂടെപ്പിറപ്പാണ് എന്ന് തോന്നിപ്പിക്കുന്നതിന് പിന്നിൽ ഒരു പൈതൃകമുണ്ട്. കുഞ്ഞുന്നാളിലേ മടിയിലിരുത്തി പാട്ടുപാടിച്ചും കഥകൾ പറഞ്ഞുകൊടുത്തും കലാവാസന ഊട്ടിയുറപ്പിച്ചത് അവളുടെ അമ്മയുടെ അച്ഛൻ, ഇടവലക്കണ്ടി ഭാർഗ്ഗവനാണ്. ആ സ്നേഹത്തിൻ്റെയും പ്രോത്സാഹനത്തിൻ്റെയും താളമാണ് ഈ കൊച്ചുകലാകാരിയുടെ ഓരോ ചലനത്തിലും ഇന്നും പ്രതിഫലിക്കുന്നത്.

സേറാ അഭിത്ത് എന്ന ഈ ഒന്നാം ക്ലാസ്സുകാരി, നൃത്തവേദിയിലെ ഒരു കൊച്ചുതാരമായി ഉയരാതിരിക്കില്ല . അവളുടെ ഈ കലാമികവ് കൂടുതൽ ഉയരങ്ങളിലേക്ക് എത്തട്ടെ എന്ന് നമുക്ക് ആശംസിക്കാം!

നൃത്തവേദിയിലെ വിസ്മയം:

VIDEO

https://www.youtube.com/watch?v=NQrtmSi2Q-Q