സംസ്ഥാന സീനിയർ വനിതാ ഫുട്ബോൾ: തൃശ്ശൂരിന് ട്രോഫി

നിലമ്പൂർ: സംസ്ഥാന സീനിയർ വനിതാ ഫുട്ബോൾ ചാമ്പ്യൻഷിപ്പിൽ തൃശ്ശൂർ ജില്ല ജേതാക്കളായി. നിലമ്പൂർ മാനവേദൻ ഹയർസെക്കൻഡറി സ്‌കൂളിൽ നടന്ന ഫൈനലിൽ തിരുവനന്തപുരത്തെ എതിരില്ലാത്ത മൂന്നു ഗോളുകൾക്കാണ് പരാജയപ്പെടുത്തിയത്.

കണ്ണൂർ ജില്ലയെ പെനാൽറ്റി ഷൂട്ടൗട്ടിൽ 4-2ന് പരാജയപ്പെടുത്തി എറണാകുളം ജില്ല മൂന്നാംസ്ഥാനവും സ്വന്തമാക്കി. ചാമ്പ്യൻഷിപ്പിലെ മികച്ച കളിക്കാരിയായി തൃശ്ശൂർ ജില്ലയുടെ അലീന ടോണിയെ തിരഞ്ഞെടുത്തു.പി.വി. അബ്‌ദുൽവഹാബ് എംപി ട്രോഫികൾ വിതരണംചെയ്തു.