ദേശീയ ജൂനിയർ കിക്ക് ബോക്‌സിങ് ചാമ്പ്യൻഷിപ്പ്; മെഡലണിഞ്ഞ് മലപ്പുറം താരങ്ങൾ

തേഞ്ഞിപ്പലം: വേൾഡ് അസോസിയേഷൻ ഓഫ് കിക്ക് ബോക്‌സിങ്‌ ഓർഗനൈസേഷൻ ഹിമാചൽ പ്രദേശ് നടത്തിയ ഇന്ത്യൻ ജൂനിയർ ബോയ്‌സ് ആൻഡ് ഗേൾസ് കിക്ക് ബോക്‌സിങ് ചാമ്പ്യൻഷിപ്പിൽ താരങ്ങളായി മലപ്പുറം മൂന്ന് സ്വർണവും മൂന്ന് വെള്ളിയും അഞ്ച് വെങ്കലവും ഇവർ നേടി. ദിയാഹന്ന, നിഹാൽ (ഇരുവരും അരിയല്ലൂർ എംവി എച്ച്എസ്എസ്), അഭിരാം (കാലിക്കറ്റ് യൂണിവേഴ്സിറ്റി കാമ്പസ് ജിഎം എച്ച്എസ്എസ്) എന്നിവർ സ്വർണം നേടി.

ആദിൽ (അരിയല്ലൂർ എംവി എച്ച്എസ്എസ്), അർപ്പിത അരുൺ നായർ (ചേലേമ്പ്ര എൻഎൻ.എം എച്ച്എസ്എസ്), നിരഞ്ജന (കാലിക്കറ്റ് യൂണിവേഴ്‌സിറ്റി കാമ്പസ് ജിഎം എച്ച്എസ്എസ്) എന്നിവർ വെള്ളിയും എം.ടി. അഭിനന് (തിരൂരങ്ങാടി ജിഎച്ച്എസ്എസ്), വി, അഗത (പരപ്പനങ്ങാടി എസ്.എൻഎം എച്ച്.എസ്.എസ്), കാർത്തിക് (അരിയല്ലൂർ എംവി എച്ച്എസ്എസ്), പി. കിരൺ, കെ.പി. ആദർശ് എന്നിവർ വെങ്കലവുംനേടി. കാലിക്കറ്റ് സർവകലാശാലയിൽ പ്രവർത്തിക്കുന്ന നിധീഷ് ഫിറ്റ്നസ് അക്കാദമിയിലാണ് ഇവർ പരിശീലിക്കുന്നത്. കേരള സ്റ്റേറ്റ് അമെച്ചർ കിക്ക് ബോക്‌സിങ് സെക്രട്ടറി വിവേകിന്റെ നേതൃത്വത്തിൽ കേരള ടീം മാനേജർ സി. നിധീഷ്, പരിശീലകൻ എസ്. രാഹുർ എന്നിവർ സംഘത്തോടൊപ്പമുണ്ടായിരുന്നു.