ജില്ലാ സീനിയർ ബാസ്‌കറ്റ്ബോൾ, തൊടുപുഴ ഡി പോൾ ചാമ്പ്യന്മാർ

തൊടുപുഴ ജില്ലാ ബാസ്‌കറ്റ്ബോൾ അസോസിയേഷൻ്റെ ആഭിമുഖ്യത്തിൽ മൂലമറ്റം സെയ്ന്റ് ജോസഫ് അക്കാദമിയിൽ സംഘടിപ്പിച്ച ജില്ലാ സീനിയർ ബാസ്കറ്റ്ബോൾ ചാമ്പ്യൻഷിപ്പിൽ തൊടുപുഴ ഡി പോൾ സ്പോർട്സ് ഫൗണ്ടേഷൻ (ഡിഎസ്എഫ്) കിരീടം നേടി.

സൂപ്പർലീഗ് പോരാട്ടത്തിൽ തൊടുപുഴ കാർമൽ ബാസ്‌കറ്റ്‌ബോൾ അക്കാദമിയെ മറികടന്നാണ് ഡിഎസ്എഫ് ചാമ്പ്യൻമാരായത്. മൂലമറ്റം സെയ്ന്റ് ജോസഫ് അക്കാദമി മൂന്നാംസ്ഥാനം കരസ്ഥമാക്കി. ജില്ലാ ബാസ്കറ്റ്ബോൾ അസോസിയേഷൻ പ്രസിഡൻ്റ് പി.പി. സൂര്യകുമാർ, ജില്ലാ നിർവാഹകസമിതി അംഗം എ.എസ്. മനോജ് എന്നിവർ വിജയികൾക്കുള്ള സമ്മാനദാനം നിർവഹിച്ചു.

ജില്ലാ ബാസ്ക‌റ്റ്ബോൾ അസോസിയേഷൻ വൈസ് പ്രസിഡന്റ് ജസ്വിൻ സജി. സെക്രട്ടറി അശ്വിൻ ബിനു, ജില്ലാ ട്രഷറർ ഡൊമിനിക് ഡി.വരകുകാല, ജില്ലാ കമ്മിറ്റിയംഗങ്ങളായ അലൻ ജോസ്, ജുവൽ ജോസ്, ടോം ജോസ്, റോഹൻ തോമസ്, സെയ്ന്റ് ജോസഫ് അക്കാദമി ലക്‌ചറർ അലൻ രാജു തുടങ്ങിയവർ സംസാരിച്ചു. ഒക്ടോബർ ഏഴുമുതൽ 12 വരെ കുന്നംകുളത്ത് നടക്കുന്ന സംസ്ഥാന സീനിയർ ബാസ്ക്‌കറ്റ്‌ബോൾ ചാമ്പ്യൻഷിപ്പിനുള്ള ജില്ലാ ടീമിനെ ഈ ചാമ്പ്യൻഷിപ്പിലെ പ്രകടനമികവിൻ്റെ അടിസ്ഥാനത്തിൽ തിരഞ്ഞെടുത്തു.