ബസേലിയസ് ട്രോഫി ഫുട്ബോൾ: സെമിഫൈനൽ മത്സരങ്ങൾ നാളെ

കോട്ടയം: പത്തൊമ്പതാമത് ഉപ്പുട്ടിൽ കുര്യൻ എബ്രഹാം മെമ്മോറിയൽ ഇന്റർ കൊളീജിയറ്റ് ബസേലിയസ് ട്രോഫി ഫുട്‌ബോൾ സെമിഫൈനൽ മത്സരങ്ങൾ തിങ്കളാഴ്ച്‌ച കോളേജ് മൈതാനത്ത് നടക്കും. രാവിലെ എട്ടിന് നടക്കുന്ന ആദ്യസെമിഫൈനലിൽ എസ്‌എച്ച് തേവരയും ബസേലിയസ് കോളേജും ഏറ്റുമുട്ടും. രണ്ടാംസെമിയിൽ എംഡി കോളേജ് പഴഞ്ഞിയും നിർമല കോളേജ് മൂവാറ്റുപുഴയും ഏറ്റുമുട്ടും. ഫൈനൽ മത്സരം 16-ന് രാവിലെ 8.30-ന് നടക്കും.

ശനിയാഴ്ച നടന്ന ആദ്യ മത്സരത്തിൽ പെനാൽറ്റി ഷൂട്ടൗട്ടിൽ ചങ്ങനാശ്ശേരി എസ്ബി. കോളേജിനെ രണ്ടിനെതിരേ മൂന്നു ഗോളുകൾക്ക് മൂവാറ്റുപുഴ നിർമല കോളേജ് പരാജയപ്പെടുത്തി. രണ്ടാമത്സരത്തിൽ കൊല്ലം എസ്.എൻ കോളേജിനെ പരാജയപ്പെടുത്തി തേവര എസ്എച്ച് കോളേജ് വിജയിച്ചു.

മൂന്നാംമത്സരത്തിൽ മൂലമറ്റം സെയ്ൻ്റ് ജോസഫ് അക്കാദമിയെ പരാജയപ്പെടുത്തി ബസേലിയസ് കോളേജ് വിജയിച്ചു. നാലാംമത്സരത്തിൽ മൂന്നാർ ഗവ. കോളേജിനെ പരാജയപ്പെടുത്തി പഴഞ്ഞി എംഡി കോളേജ് വിജയിച്ചു.

അഞ്ചാമത്തെ മത്സരത്തിൽ ഗുരുവായൂർ ശ്രീകൃഷ്‌ണകോളേജിനെ പരാജയപ്പെടുത്തി നിർമല കോളേജ് മൂവാറ്റുപുഴ വിജയിച്ചു.