വോളി പ്രതിഭകൾക്ക് വളർന്നുവരാൻ അവസരമൊരുക്കണം -ടോം ജോസഫ്

മരുതോങ്കര : നാട്ടിൻപുറങ്ങളിൽനിന്ന് വോളിബോൾ പ്രതിഭകളെ കണ്ടെത്താനും അവരെ കൈപിടിച്ചുയർത്താനും ആവശ്യമായ സംവിധാനങ്ങൾ ഒരുക്കണമെന്ന് അർജുന അവാർഡ് ജേതാവ് ടോം ജോസഫ് പറഞ്ഞു.

വോളിബോൾ താരം കെ. സതീശൻ സ്‌മാരക വിന്നേഴ്‌സ് ട്രോഫിക്കും തലപ്പൊയിൽ സദാനന്ദൻ സ്‌മാരക റണ്ണേഴ്‌സ് ട്രോഫിക്കുംവേണ്ടി യുവധാര മുണ്ടക്കുറ്റി സംഘടിപ്പിച്ച ഒന്നാമത് വോളിബോൾ ടൂർണമെൻറ് ഉദ്ഘാടനംചെയ്യുകയായിരുന്നു അദ്ദേഹം. വാർഡംഗം ടി.എൻ. നിഷ അധ്യക്ഷയായി.

ടൂർണമെൻറിൽ സൈക്കാട് കുറ്റ്യാടി പാമ്പ്യന്മാരും ചില്ലൂസ് ഫ്രഷ് ഫിഷ് കുറ്റ്യാടി റണ്ണേഴപ്പുമായി. വിജയികൾക്ക് രജീഷ് കുനിയിലും രണ്ടാംസ്ഥാനക്കാർക്ക് ബാബു ചെക്കൂറയും ട്രോഫികളും കാഷ് അവാർഡും വിതരണംചെയ്തു.

സി.പി. ബാബുരാജ്, ടി. അജിത, സി.എച്ച്. ഷരീഫ്, നാണു കാപ്പുമ്മൽ, അജേഷ് അതോട്ടുമ്മൽ, രജീഷ് അമ്പലക്കണ്ടി, കെ.പി. ചന്ദ്രൻ, വി.പി. വിലാസ്, ടി.കെ. നാണു. കെ.ടി. മനോജൻ, എൻ.കെ. പത്മനാഭൻ തുടങ്ങിയവർ സംസാരിച്ചു.