സുബ്രതോ ഫുട്ബോൾ: എംഐസി അത്താണിക്കൽ ജേതാക്കൾ

മലപ്പുറം: സുബ്രതോ കപ്പ് ഫുട്‌ബോൾ അണ്ടർ 17 വിഭാഗം ജില്ലാ ചാമ്പ്യൻഷിപ്പിൽ എംഐസി അത്താണിക്കൽ ജേതാക്കളായി. ഫൈനലിൽ ചേലേമ്പ്ര എൻഎൻഎം എച്ച്.എസ്.എസിനെ പെനാൽറ്റി ഷൂട്ടൗട്ടിൽ തോല്പിച്ചു (4-0). നിശ്ചിതസമയത്ത് ഇരുടീമുകളും ഗോൾരഹിത സമനില പാലിച്ചു. ഷൂട്ടൗട്ടിൽ മൂന്നുഗോളുകൾ തടുത്ത എംഐസിയുടെ ഗോൾകീപ്പർ ഹുസ്‌ബിൽ ഷാൻ കളിയിലെ താരമായി. തിങ്കളാഴ്‌ച മുതൽ തിരുവനന്തപുരം ജിവി രാജയിൽ നടക്കുന്ന സംസ്ഥാന ചാമ്പ്യൻഷിപ്പിൽ എംഐസി ജില്ലയെ പ്രതിനിധീകരിച്ച് പങ്കെടുക്കും