കസാഖ്സ്‌താനെ കശക്കിയെറിഞ്ഞു, ഇന്ത്യയുടെ ജയം 15-0-ത്തിന്

രാജ്‌ഗിർ: ഏഷ്യാകപ്പ് ഹോക്കിയിൽ കസാഖ്സ്‌താനെ തകർത്ത് ഇന്ത്യ. പൂൾ എയിലെ മൂന്നാംമത്സരത്തിൽ 15-0-ത്തിനാണ് ജയിച്ചത്. അഭിഷേക് നൈൻ നാലും സുഖ്‌ജീത് സിങ് മൂന്നുഗോളും നേടി. ജുഗ്‌രാജ് സിങ്, ക്യാപ്റ്റൻ ഹർമൻപ്രീത് സിങ് എന്നിവർ രണ്ടുവീതം ഗോൾ നേടി.

നേരത്തേ, ചൈനയെയും ജപ്പാനെയും തോൽപ്പിച്ച് ഇന്ത്യ സൂപ്പർ ഫോറിലെത്തിയിരുന്നു. മൂന്നു കളികളും ജയിച്ചതോടെ പൂൾ എ യിലെ ജേതാക്കളായി. പൈനയും സൂപ്പർ ഫോറിലെത്തി.