വിദ്യാനികേതൻ സ്‌കൂൾ കായികമേള; തൃശ്ശൂർ ചാമ്പ്യന്മാർ

പാലാ: രണ്ടുദിവസമായി പാലായിൽ നടന്ന ഭാരതീയ വിദ്യാനികേതൻ സംസ്ഥാന സ്കൂ‌ൾ കായികമേളയിൽ 212 പോയിൻ്റുമായി തൃശ്ശൂർ ജില്ലാ ടീം ഓവറോൾ ചാമ്പ്യന്മാരായി. 185 പോയിൻ്റ് നേടിയ എറണാകുളം രണ്ടാമതും 105 പോയിന്റുമായി ആതിഥേയരായ കോട്ടയം മൂന്നാമതുമെത്തി. മുത്തോലി ഗ്രാമപ്പഞ്ചായത്ത് പ്രസിഡൻ്റ് രൺജിത്ത് ജി. മീനാഭവൻ വിജയികൾക്ക് സമ്മാനദാനം നിർവഹിച്ചു. ഗോപാലൻകുട്ടി മാസ്റ്റർ അധ്യക്ഷനായിരുന്നു. സംസ്ഥാന സെക്രട്ടറി എൻ. രാധാകൃഷ്‌ണൻ, എം.എസ്. ലളിതാംബിക, ആർ. അനീഷ്, കെ.ആർ. റെജി, പി.വി. നവജീവൻ ഡോ. ബി. വിനയകുമാർ, പ്രശാന്ത്കുമാർ ഐങ്കൊമ്പ് എന്നിവർ നേതൃത്വം നൽകി.