സംസ്ഥാന ബാസ്‌കറ്റ്‌ബോൾ: പെൺകുട്ടികളുടെ വിഭാഗത്തിൽ കോഴിക്കോട് ഫൈനലിൽ

പുന്നപ്ര : പുന്നപ്ര ജ്യോതിനികേതൻ സീനിയർ സെക്കൻഡറി സ്കൂളിൽ നടക്കുന്ന സംസ്ഥാന സബ് ജൂനിയർ ബാസ്‌കറ്റ്‌ബോൾ ചാമ്പ്യൻഷിപ്പിൽ പെൺകുട്ടികളുടെ വിഭാഗത്തിൽ കോഴിക്കോട്‌. ഫൈനലിൽ. കേരള ബാസ്ക‌റ്റ്ബോൾ അസോസിയേഷന്റെ നേതൃത്വത്തിൽ ജില്ലാ ബാസ്ക‌റ്റ്ബോൾ അസോസിയേഷനാണ് മത്സരം സംഘടിപ്പിക്കുന്നത്. പെൺകുട്ടികളുടെ സെമി ഫൈനലിൽ കോഴിക്കോട് (84-11) മലപ്പുറത്തെ തോൽപ്പിച്ചാണ് ഫൈനലിലെത്തിയത്.

ആൺകുട്ടികളുടെ ക്വാർട്ടർ ഫൈനൽ മത്സരങ്ങളിൽ ആലപ്പുഴ പാലക്കാടിനെയും (48-26) എറണാകുളം കണ്ണൂരിനെയും (36-16) പരാജയപ്പെടുത്തി. ഫൈനലിൽ മത്സരങ്ങൾ ചൊവ്വാഴ്‌ച രാവിലെ ഏഴിനു തുടങ്ങും. 11.30-ന് കൊച്ചി ഗ്ലോബൽ പബ്ലിക് സ്‌കൂൾ ചെയർമാൻ പുരയ്ക്കൽ ജേക്കബ് സമ്മാനങ്ങൾ നൽകും.

എച്ച്. സലാം എംഎൽഎ, ആലപ്പുഴ രൂപത വിദ്യാഭ്യാസ ബോർഡിന്റെ ചെയർമാനും രൂപത സ്‌കൂളുകളുടെ കോർപ്പറേറ്റ് മാനേജരുമായ ഫാ. നെൽസൺ തൈപ്പറമ്പിൽ എന്നിവർ മുഖ്യാതിഥികളാകും.

ചെയർമാൻ ജേക്കബ് ജോസഫ് അധ്യക്ഷനാകും.