സിഐഎസ്സിഇ സംസ്ഥാന കായികമേള: എ സോൺ ചാമ്പ്യന്മാർ

തിരുവനന്തപുരം: സിഐഎസ്‌സിഇ സംസ്ഥാന കായിക മത്സരത്തിൽ തിരുവനന്തപുരം, കൊല്ലം ജില്ലകളടങ്ങുന്ന എ സോൺ 285 പോയിൻ്ററുകളോടെ ഒന്നാം സ്ഥാനം നേടി. തൃശ്ശൂർ, പാലക്കാട് ജില്ലകളുൾപ്പെട്ട ഇ-സോൺ രണ്ടാം സ്ഥാനത്തെത്തി.

സംസ്ഥാനത്തെ ആറ് സോണുകളിലായി 180 സ്‌കൂളുകളിൽനിന്നുള്ള 936 കുട്ടികൾ പങ്കെടുത്തു. 108 പോയിൻ്റുകളോടെ മുക്കോലയ്ക്കൽ സെയ്ന്റ്റ് തോമസ് റെസിഡൻഷ്യൽ സ്‌കൂൾ ബെസ്റ്റ് സ്‌കൂൾ പദവി നേടി, കുന്ദമംഗലം ഓക്സിലിയം നവജ്യോതി സ്‌കൂളിനാണ് രണ്ടാംസ്ഥാനം. സെയ്ന്റ് തോമസ് റെസിഡൻഷ്യൽ സ്‌കൂളിലെ സൂസൻ സൈജു, ശ്രീഹരൻ എന്നിവർ വ്യക്തിഗത ചാമ്പ്യൻമാരായി. സ്കൂ‌ളിലെ 16 കുട്ടികൾ ബെംഗളൂരുവിൽ നടക്കുന്ന ദേശീയ മത്സരത്തിൽ പങ്കെടുക്കാൻ അർഹത നേടി. മാർത്തോമാ ചർച്ച് എജുക്കേഷണൽ സൊസൈറ്റി സെക്രട്ടറി ഡോ. രാജൻ വർഗീസ് വിജയികൾക്കുള്ള സമ്മാനങ്ങൾ നൽകി.