ഭാരതത്തിന്റെ തനത് കലയും സംസ്കാരവും വിദേശ വേദികളിൽ പ്രചരിപ്പിക്കാൻ നിരന്തര പരിശ്രമം വേണം : പത്മശ്രീ അശ്വതി തിരുനാൾ ഗൗരി ലക്ഷ്മിഭായി തമ്പുരാട്ടി.

വേഗവരയിലെ ലോക റെക്കോർഡ് ജേതാവും അതിവേഗ ചിത്രകാരനുമായ ഡോ. ജിതേഷ്ജി അധ്യക്ഷത വഹിച്ചു.

 മുൻ അംബാസിഡർ ടി പി ശ്രീനിവാസൻ ഐ എഫ് എസ്,സംഗീത നാടക അക്കാദമി മുൻ ചെയർമാൻ ശ്രീ സൂര്യ കൃഷ്ണമൂർത്തി, എന്നിവർ മുഖ്യാതിഥികളായി. മുതിർന്ന ദൃശ്യ മാദ്ധ്യമ പ്രവർത്തകൻ അനിൽ അടൂർ, കാന്തല്ലൂർ അശോകവനം ഗോത്ര -പൈതൃക കലാ ഗ്രാമം ചെയർമാൻ ഡോ. എസ്. അശോക് കുമാർ എന്നിവരെ അശ്വതി തിരുനാൾ ഗൗരി ലക്ഷ്മിഭായി തമ്പുരാട്ടി ആദരിച്ചു. 

 2021ലെ മിസ്സിസ് ഗ്രാൻഡ് യൂണിവേഴ്സ്, മിസിസ് ഏഷ്യ ഇന്റർനാഷണൽ ചാമിങ്ങ് 2018, മിസ്സിസ് ഇന്ത്യ കേരള 2018 എന്നീ സൗന്ദര്യ പുരസ്കാരങ്ങളുടെ ജേതാവും ഭരതനാട്യം നർത്തകിയും ഐടി കമ്പനിയുടെ ഡയറക്ടറും ഏറെക്കാലം ബ്രിട്ടനിൽ പ്രവാസിയുമായിരുന്ന ഡോക്ടർ ശശിലേഖ നായർ ഭാരതീയ കലാരൂപങ്ങളുടെ പ്രചുരപ്രചാരണം മുഖ്യലക്ഷ്യമാക്കി സമാരംഭിക്കുന്നതാണ് 'എസ്ഫിയ'.( ഡോക്ടർ ശശിലേഖ നായർ ഫൗണ്ടേഷൻ ഫോർ എഡ്യൂക്കേഷൻ ആൻഡ് ഇന്റർനാഷണൽ ആർട്ട്). 

വിദ്യാഭ്യാസത്തെ കലാ പഠനവുമായി സമന്വയിപ്പിച്ച് പുതുതലമുറയെ കൂടുതൽ സർഗ്ഗാത്മകമാക്കുക, വിവിധ രാജ്യങ്ങളുടെ കലകളെയും സംസ്കാരത്തെയും അറിയുകയും ആഗോളവൽക്കരിക്കുകയും ചെയ്യുക എന്നതാണ് ഈ ഫൗണ്ടേഷന്റെ പ്രധാന ലക്ഷ്യങ്ങൾ. വിവിധ രാജ്യങ്ങളിലുള്ള ഭാരതീയ കലാകാരന്മാരുടെ അന്താരാഷ്ട്ര വേദിയായി

'എസ് ഫിയ' യെ മാറ്റുകയാണ് ആദ്യലക്ഷ്യമെന്ന് സംഘാടകർ പറഞ്ഞു