അർജുന് അനുമോദനമൊരുക്കി സ്‌കൂളും നാടും

വടക്കാഞ്ചേരി: യുഎഇയിൽ നടന്ന ഏഷ്യൻ യോഗാസന ചാമ്പ്യൻഷിപ്പിൽ ജൂനിയർ വിഭാഗത്തിൽ സ്വർണമെഡൽ നേടിയ വടക്കാഞ്ചേരി ഗവ. മോഡൽ ബോയ്‌സ് ഹയർ സെക്കൻഡറി സ്കൂ‌ളിലെ പ്ലസ്‌ വിദ്യാർഥി സി.വി. അർജുനെ സ്‌കൂളിൽ അനുമോദിച്ചു.

നഗരസഭാ വിദ്യാഭ്യാസ സ്ഥിരംസമിതി ചെയർമാൻ സി.വി. മുഹമ്മദ് ബഷീർ അധ്യക്ഷനായി. വൈസ് ചെയർപേഴ്‌സൺ ഷീലാ മോഹൻ ഉപഹാരം നൽകി.

സന്ധ്യ കൊടയ്ക്കാടത്ത്, സി.ആർ. നിഷാദ്, സജിനി ജിപ്‌സൺ, എ.കെ. സതീഷ്കുമാർ, അജിത് മല്ലയ്യ, വി.വി. ഫ്രാൻസിസ്, റെയ്ച്ചൽ പോൾ, വി.എൻ. സവിത, ഹൈസ്കൂകൂൾ പ്രധാനാധ്യാപിക എ.എം. സീമ എന്നിവർ പ്രസംഗിച്ചു.

ഏഷ്യൻ യോഗാസന ചാമ്പ്യൻഷിപ്പിൽ ഇന്ത്യയെ പ്രതിനിധീകരിച്ച സ്വർണ മെഡൽ ജേതാവ് സി.വി. അർജുന് യുഎഇയിലെ വടക്കാഞ്ചേരി സുഹൃദ്‌സംഘവും സ്വീകരണം നൽകി.

കോൺഗ്രസ് നേതൃത്വത്തിൽ നൽകിയ സ്വീകരണത്തിന് ഡിസിസി സെക്രട്ടറിമാരായ കെ. അജിത്‌കുമാർ, ഷാഹിദ റഹ്‌മാൻ, ബ്ലോക്ക് നേതാക്കളായ ടി.വി, സണ്ണി, ബിജു ഇസ്‌മായിൽ, ശശി മംഗലം എന്നിവർ പങ്കെടുത്തു.