രവി കൊല്ലംവിളയ്ക്ക് തത്ത്വമസി സാഹിത്യപുരസ്കാരം

കൊട്ടാരക്കര ഏറ്റുമാനൂർ ആസ്ഥാനമായുള്ള ഡോ. സുകുമാർ അഴിക്കോട് തത്ത്വമസി സാംസ്കാരിക അക്കാദമിയുടെ ബാലസാഹിത്യ പുരസ്‌കാരത്തിന് കവി രവി കൊല്ലംവിള അർഹനായി. 'സ്നേഹപ്പുമരം' എന്ന ബാലകവിതാസമാഹാരത്തിനാണ് അവാർഡ് ലഭിച്ചത്. അമ്പലപ്പുഴ കുഞ്ചൻ നമ്പ്യാർ സ്മാരകത്തിൽ നടന്ന ചടങ്ങിൽ അക്കാദമി രക്ഷാധികാരികൂടിയായ ജസ്റ്റിസ് കമാൽപാഷയിൽനിന്ന് പുരസ്‌കാരം ഏറ്റുവാങ്ങി. കൊട്ടാരക്കര അമ്പലംകുന്ന് സ്വദേശിയായ രവി കൊല്ലംവിള അടൂർ ഗവ. ബോയ്‌സ് ഹയർ സെക്കൻഡറി സ്കൂളിലെ ഇംഗ്ലീഷ് അധ്യാപകനാണ്.