ജില്ലാ അത്ലറ്റിക് ചാമ്പ്യൻഷിപ്: ആദ്യദിനം ജി.വി. രാജ മുന്നിൽ

തിരുവനന്തപുരം : ചന്ദ്രശേഖരൻനായർ സ്റ്റേഡിയത്തിൽ നടക്കുന്ന ജില്ലാ

അത്ലറ്റിക് ചാമ്പ്യൻഷിപ്പിൻ്റെ ആദ്യദിനത്തിൽ ജി.വി. രാജ സ്പോർട്‌സ് സ്കൂ‌ൾ മുന്നിലെത്തി. ജി.വി. രാജ 69 പോയിൻ്റ് നേടി. 31 പോയിൻ്റ് നേടിയ വെള്ളായണി അയ്യങ്കാളി റസിഡൻഷ്യൽ സ്‌കൂൾ ആണ് രണ്ടാംസ്ഥാനത്ത്. 29 പോയിന്റുമായി തോപ്പ് സെയ്ൻ്റ് റോക്‌സ് സ്‌കൂളും കഴക്കൂട്ടം സെയ്ന്റ് തോമസ് സ്കൂളും മൂന്നാംസ്ഥാനത്തുണ്ട്.

മന്ത്രി വി. ശിവൻകുട്ടി അത്‌ലറ്റിക് മീറ്റ് ഉദ്‌ഘാടനം ചെയ്‌തു. ജില്ലാ അത്ലറ്റിക് അസോസിയേഷൻ പ്രസിഡൻ്റ് കെ. ആനന്ദ്കുമാർ അധ്യക്ഷനായി. സെക്രട്ടറി കെ. രാമചന്ദ്രൻ, കെ.എം.ബീനാമോൾ, പദ്‌മിനി തോമസ്, കെ.സി. ലേഖ, ഷെർളി ജോൺ, എം. ക്ലീറ്റസ് തുടങ്ങിയവർ സംസാരിച്ചു. ഏഷ്യൻ അത്ലറ്റിക് മീറ്റിൽ പങ്കെടുത്ത ആർ.അനു, ദേശീയ ഗെയിംസിൽ പങ്കെടുത്ത എ.പി. ഷിൽബി, സി.വി. അനുരാഗ് എന്നിവരെ ആദരിച്ചു. മൂന്നുദിവസത്തെ ചാമ്പ്യൻഷിപ് ഞായറാഴ്ച‌ സമാപിക്കും.