ബാസ്ക‌റ്റ്ബോൾ ചാമ്പ്യൻഷിപ്പ്: കാരയ്ക്കൽ ക്ലസ്റ്റർ ചാമ്പ്യന്മാർ

പെരിയ: ഹൈദരാബാദ് മേഖല നവോദയ ബാസ്‌കറ്റ്ബോൾ ടൂർണമെന്റിൽ കാരയ്ക്കൽ ക്ലസ്റ്റർ ഓവറോൾ ചാമ്പ്യന്മാരായി. കാസർകോട് നവോദയ വിദ്യാലയം ഉൾപ്പെടുന്ന കണ്ണൂർ ക്ലസ്റ്റർ രണ്ടാമതായി. സമാപനച്ചടങ്ങ് പുല്ലൂർ പെരിയ പഞ്ചായത്ത് പ്രസിഡൻ്റ് സി.കെ.അരവിന്ദൻ ഉദ്ഘാടനം ചെയ്തു. ചടങ്ങിൽ പഞ്ചായത്തംഗം ടി.വി.അശോകൻ അധ്യക്ഷനായി. ഇന്ത്യൻ കബഡി താരം ജഗദീഷ് കുംബളെ മുഖ്യാതിഥിയായി. ആരോഗ്യപൂർണമായ ജീവിതം നയിക്കാൻ ഏതെങ്കിലും ഒരു കായികവിനോദം ജീവിതത്തിന്റെ ഭാഗമാക്കണമെന്ന് അദ്ദേഹം പറഞ്ഞു. നവോദയ വിദ്യാലയ പ്രിൻസിപ്പൽ ഡോ. കെ.സജീവൻ, പിടിസി അംഗം നാരായണൻ, സജിത്ത് കുമാർ, വൈസ് പ്രിൻസിപ്പൽ കെ.രവികുമാർ, രേഷ്‌മ തമ്പി എന്നിവർ സംസാരിച്ചു.