സ്പോർട്‌സ് കൗൺസിൽ വൃക്ഷത്തൈകൾ നൽകി

പത്തനംതിട്ട: ലോക പരിസ്ഥിതി ദിനത്തിൻ്റെ ഭാഗമായി ജില്ലാ സ്പോർട്‌സ് കൗൺസിൽ പ്രസിഡന്റ് കെ. അനിൽകുമാർ വൃക്ഷത്തൈകൾ കായികതാരങ്ങൾക്ക് കൈമാറി.

സ്പോർട്‌സ് കൗൺസിൽ ഓഫീസ് പരിസരത്ത് അദ്ദേഹം വൃക്ഷത്തൈ നട്ടു. കായിക വിനോദം പോലെ തന്നെയാണ് നമ്മുടെ പരിസ്ഥിതിയെ സംരക്ഷിക്കേണ്ടതിൻ്റെ ആവശ്യകതയെന്ന് അദ്ദേഹം പറഞ്ഞു. സ്പോർട്സ് കൗൺസിൽ ജീവനക്കാരായ ബെൻലി എൽ.എസ്., അക്ഷയ് എസ്., ഉമേഷ് പി.കെ., ബി. സുരേന്ദ്രൻ നായർ എന്നിവർ പങ്കെടുത്തു.