ഫുട്ബോൾ ടൂർണമെൻ്റ്: എഫ്‌സി പള്ളിപ്പുറം ജേതാക്കൾ

ചെറായി: ഫ്രൻഡ്‌സ് ക്ലബ്ബിൻ്റെ ആഭിമുഖ്യത്തിൽനടന്ന 51-ാമത് ഫുട്ബോൾ ടൂർണമെന്റിൽ എഫ്‌സി പള്ളിപ്പുറം ജേതാക്കളായി. ഫ്രൻഡ്‌സ് ആർട്‌സ് ആൻഡ് സ്പോർട്സ് ക്ലബ് റണ്ണേഴ്‌സ് കിരീടം നേടി. ചെറായി വലിയവീട്ടിൽ കുന്ന് മൈതാനിയിൽനടന്ന ഫൈനൽ ഫുട്‌ബോൾ മത്സരം മുനമ്പം എസ്ഐ ഹേമന്ത് മോഹൻ കിക്ക് ഓഫ് ചെയ്തു. അഡ്വ. കെ.വി. വിനോദ് അധ്യക്ഷത വഹിച്ചു. സമാപന സമ്മേളനത്തിൽ പെരുമ്പാവൂർ എക്സൈസ് ഇൻസ്പെക്ട‌ർ എസ്. മനോജ് കുമാർ സമ്മാനദാനം നിർവഹിച്ചു.