സങ്കടങ്ങളെക്കൂടി അടയാളപ്പെടുത്തലാണ് കവിത -മന്ത്രി ആർ. ബിന്ദു

തൃശ്ശൂർ: ആനന്ദങ്ങളെ മാത്രമല്ല, സങ്കടങ്ങളെയും യാതനകളെയുംകൂടി അടയാളപ്പെടുത്തലാണ് സമകാലിക കവിതയെന്ന് മന്ത്രി ആർ. ബിന്ദു. പ്രകൃതിദുരന്തങ്ങളെയും ജീവിതദുരിതങ്ങളെയും സാഹിത്യത്തിൽ ആവിഷ്കരിക്കുമ്പോൾ ആത്മാവ് ചോർന്നുപോകാതെ വായനക്കാർക്ക് പകർന്നുനൽകാൻ സാധിക്കുന്നതിലാണ് നമ്മുടെ സാഹിത്യത്തിന്റെ മേന്മയെന്നും മന്ത്രി പറഞ്ഞു. മാതൃഭൂമി ബുക്‌സ് പ്രസിദ്ധീകരിച്ച സുബീഷ് തെക്കൂട്ടിന്റെ 'വെള്ളാർമല ജിവിഎച്ച്എസ്എസ് എന്ന കവിതാസമാഹാരം മാതൃഭൂമി ബുക്സിൽ പ്രകാശനം ചെയ്യുകയായിരുന്നു മന്ത്രി, ബിലു സി. നാരായണൻ പുസ്‌തകം ഏറ്റുവാങ്ങി.

ഇ. സന്തോഷ്കുമാർ അധ്യക്ഷനായി. എം.എസ്. ബനേഷ്, എം.ആർ. മൗനിഷ്, വിജേഷ് എടക്കുന്നി, യു.എസ്. ശ്രീശോഭ് എന്നിവർ പ്രസംഗിച്ചു.