സൗജന്യ നീന്തൽ പരിശീലനം സമാപിച്ചു

ആലുവ : വാളശ്ശേരിൽ റിവർ സ്വിമ്മിങ് ക്ലബ്ബിൻ്റെ 16-ാമത് സൗജന്യ നീന്തൽ പരിശീലനം സമാപിച്ചു. ഈ വർഷം 2986 പേർ നീന്തൽ പരിശീലിച്ചു. 419 പേർ മുക്കാൽ കിലോമീറ്റർ പെരിയാർ മണപ്പുറത്ത് മണ്ഡപം കടവിൽനിന്നും മണപ്പുറം ദേശം കടവിലേക്ക് നീന്തി. ആലുവ നഗരസഭാ കൗൺസിലർ വി.എൻ. സുനീഷ് ഫ്ലാഗ് ഓഫ് ചെയ്തു.

പരിശീലകൻ സജി വാളശ്ശേരിയിൽ അധ്യക്ഷനായി. ആറുവയസ്സുകാരൻ കേദാർ മുതൽ 70 വയസ്സുകാരൻ അസീസും പുഴ കുറുകേ നിന്തിക്കടന്നു. നവംബർ ഒന്നിനാണ് പരിശീലനം ആരംഭിച്ചത്. 15 വയസ്സിൽ താഴെയുള്ള 150 ഓളം കുട്ടികൾ പെരിയാറിൽ മുക്കാൽ കിലോമീറ്ററോളം കുറുകേ നീന്തി. അടുത്ത വർഷത്തെ സൗജന്യ നീന്തൽ പരിശീലനം 2025 നവംബർ ഒന്നിന് ആരംഭിക്കും.