മഴസാക്ഷ്യം :സത്യൻ മാടാക്കര .

മഴസാക്ഷ്യം

:സത്യൻ മാടാക്കര .

മഴയിലാലോലം നനയുന്ന

പുഴയിലൊറ്റലെറിയുന്നേ

മീൻ പൊളപ്പ് കാണുമ്പോൾ വല വീശുന്നേ

പാലുറച്ച കതിരേ മനമിളകുന്നേ

ഏഴിനും മീതേ അങ്കം മുറുകുന്നേ

കളരിവിദ്യ ഓതിരം ചവുട്ടുന്നേ

കരിംകുട്ടിച്ചാത്തനും മുച്ചിലോട്ടമ്മയും

കീഴ്കഴക വായ്ത്താരിയിൽ ഉറയുന്നേ.

പൂപ്പാട്ടിൽ വീടൊരുങ്ങണേ

ആ മരം ഈ മരം പെരുമരം

പുഴയിൽ ചാഞ്ഞിറങ്ങി

മഴനൂൽ നെയ്ത പാടം വലിച്ചടുപ്പിക്കണേ.

വിടനു രാജ ലോകം

വിദുഷി പടിക്കു പുറത്ത്

നീതി, ആർക്കുള്ള നീതി .

മാറ് മറക്കാൻ സമരം

മുല വലുപ്പത്തിനു കരം

ഏതജമാനനും പായ

മറന്നിട്ടില്ല പഴയ കേരളം.

പുരുഷ വിചാരണ തുടരുന്നു

പുറത്താക്കിയോർ ദേവതയാക്കുന്നു

എവിടെ ധർമ്മം, സനാതന നീതി .