സർഗാലയയിലെ കേരള ചുമർ ചിത്ര ശിൽപ്പശാലആദ്യ ഘട്ട ചിത്രങ്ങൾ ഉന്മീലനം ചെയ്തു

സർഗാലയയിലെ കേരള ചുമർ ചിത്ര ശിൽപ്പശാലആദ്യ ഘട്ട ചിത്രങ്ങൾ ഉന്മീലനം ചെയ്തു 

 സർഗാലയയിലെ മുപ്പത്തി രണ്ടു തൂണുകളിൽ കേരളീയ സാംസ്കാരിക പൈതൃകം അനാവരണം ചെയ്യുന്ന കേരള ചുമർ ചിത്ര ശൈലിയിൽ തയ്യാറാക്കിയ ചിത്രങ്ങൾ ഗുരുവായൂർ ദേവസ്വം ചെയർമാൻ ഡോ. വി.കെ. വിജയൻ ഉന്മീലനം ചെയ്തു. തദവസരത്തോടനുബന്ധിച്ച് നടന്ന ചടങ്ങിൽ യു.എൽ.സി.സി.എസ് ചെയർമാൻ രമേശൻ പാലേരി അദ്ധ്യക്ഷത വഹിച്ചു. സർഗാലയ സീനിയർ ജനറൽ മാനേജർ ടി.കെ.രാജേഷ് സ്വാഗതവും ക്രാഫ്ട്സ് കോഓർഡിനേറ്റർ അശോക് കുമാർ. എസ് നന്ദിയും പറഞ്ഞു. ഗുരുവായൂർ ദേവസ്വം ഇൻസ്റ്റിറ്റ്യൂട്ട് ഓഫ് മ്യൂറൽ പെയിന്റിംഗ് പ്രിൻസിപ്പൽ നളിൻ ബാബു.എം, അധ്യാപകൻ ബബീഷ്.യു.വി., ആർട്ടിസ്റ്റ് കെ.എം.ശിവകൃഷ്ണൻ, ആർട്ടിസ്റ്റ് രമേഷ് കോവുമ്മൽ എന്നിവർ ആശംസകൾ പറഞ്ഞു.