ലഹരിക്കെതിരേ ഫുട്ബോൾലഹരി: ഇന്ന് ഫൈനൽ

കൊടിയത്തൂർ : കൊടിയത്തൂർ മേഖലാ സുരക്ഷാ പെയിൻ ആൻഡ് പാലിയേറ്റീവ് കെയർ സൊസൈറ്റിയും വ്യാപാരിവ്യവസായി സമിതി ചെറുവാടി യൂണിറ്റും സംയുക്തമായി സംഘടിപ്പിക്കുന്ന പുറായിൽ ബീരാൻ ഹാജി സ്മാരക ഒന്നാം അഖിലകേരള ഫ്ലഡ്‌ ലിറ്റ് ഫുട്ബോൾ ടൂർണമെന്റിന് ചൊവ്വാഴ്ച സമാപനം. 'ലഹരിക്കെതിരേ ഫുട്‌ബോൾലഹരി' എന്നപേരിലാണ് ടൂർണമെന്റ്.

രാത്രി 8.30-നു നടക്കുന്ന ഫൈനൽ മത്സരത്തിൽ ടൗൺ ടീം മുരിങ്ങാംപുറായിയും അരുണോദയം കുനിയിലും ഏറ്റുമുട്ടും. ഇതോടനുബന്ധിച്ചുനടക്കുന്ന സാംസ്കാരികപരിപാടിയിൽ സുരക്ഷാ പാലിയേറ്റീവ് ജില്ലാചെയർമാൻ കുഞ്ഞമ്മദ്കുട്ടി എംഎൽഎ, വ്യാപാരി വ്യവസായി സമിതി ജില്ലാപ്രസിഡൻ്റ് സൂര്യ അബ്‌ദുൽ ഗഫൂർ, സുബൈർ കൊളക്കാടൻ, സമിതി ഏരിയാസെക്രട്ടറി കെ.ടി. നളേശൻ എന്നിവർ സംബന്ധിക്കും.