കെപിഎ വോളിബോൾ ടൂർണമെൻ്റ് ബത്തേരി സബ് ഡിവിഷൻ ജേതാക്കൾ

കല്പറ്റ: കേരള പോലീസ് അസോസിയേഷൻ (കെപിഎ) ജില്ലാ കൺവെൻഷന്റെ ഭാഗമായി നടത്തിയ വോളിബോൾ ടൂർണമെൻറിൽ ബത്തേരി സബ് ഡിവിഷൻ ജേതാക്കളായി, കല്പറ്റ സബ് ഡിവിഷനെയാണ് ബത്തേരി സബ് ഡിവിഷൻ പരാജയപ്പെടുത്തിയത്. ടൂർണമെൻ്റ് ജില്ലാ സ്പോർട്‌സ് കൗൺസിൽ പ്രസിഡന്റ് എം. മധു ഉദ്ഘാടനംചെയ്തു.

പോലീസ് സഹകരണസംഘം പ്രസിഡൻ്റ് കെ.എം. ശശിധരൻ അധ്യക്ഷതവഹിച്ചു. കെപിഎ ജില്ലാസെക്രട്ടറി ഇർഷാദ് മുബാറക്ക്, സംസ്ഥാന നിർവാഹകസമിതി അംഗം ജോർജ് നിറ്റസ്, ജില്ലാകമ്മിറ്റിയംഗം രജീഷ് കോട്ടത്തറ, എഎസ്ഐ സജീവൻ, രാജേഷ്, വി.സി. ചൈത്രേഷ് എന്നിവർ സംസാരിച്ചു.