സംസ്ഥാന ജൂനിയർ ബാസ്‌കറ്റ്ബോൾ; തൃശ്ശൂർ ചാമ്പ്യന്മാർ

പുല്പള്ളി: സംസ്ഥാന ജൂനിയർ ബാസ്‌കറ്റ്‌ബോൾ ചാമ്പ്യൻഷിപ്പ് സമാപിച്ചു.

പുരുഷ-വനിതാ വിഭാഗങ്ങളിൽ തൃശ്ശൂർ പാമ്പ്യന്മാരായി. പുരുഷവിഭാഗത്തിൽ കോട്ടയത്തെയും വനിതാവിഭാഗത്തിൽ തിരുവനന്തപുരത്തെയും പരാജയപ്പെടുത്തിയാണ് തൃശ്ശൂർ ജേതാക്കളായത്. പുരുഷവിഭാഗത്തിൽ ഇടുക്കിയും വനിതാവിഭാഗത്തിൽ കോഴിക്കോടും മൂന്നാം സ്ഥാനം നേടി. ദേശീയ ചാമ്പ്യൻഷിപ്പിനുള്ള സംസ്ഥാന ടീമംഗങ്ങളെ ഈ മത്സരങ്ങളിൽനിന്ന് തിരഞ്ഞെടുത്തു. മുള്ളൻകൊല്ലി സെയ്ൻ്റ് മേരീസ് ഹയർസെക്കൻഡറി സ്‌കൂൾ എഡ‌ിറ്റ് സ്റ്റേഡിയത്തിലും കബനിഗിരി നിർമല ഹൈസ്കൂൾ ഗ്രൗണ്ടിലുമായിരുന്നു മത്സരങ്ങൾ.

സമാപനസമ്മേളനം സ്പോർട്‌സ് കൗൺസിൽ ജില്ലാ പ്രസിഡന്റ് എം. മധു ഉദ്ഘാടനംചെയ്തു. ബാസ്‌കറ്റ്‌ബോൾ അസോസിയേഷൻ സംസ്ഥാന പ്രസിഡന്റ് ജെയ്ക്കബ് ജോസഫ് അധ്യക്ഷതവഹിച്ചു. പുല്പള്ളി ഗ്രാമപ്പഞ്ചായത്ത് പ്രസിഡന്റ് ടി.എസ്. ദിലീപ്‌കുമാർ, മുള്ളൻകൊല്ലി ഗ്രാമപ്പഞ്ചായത്ത് പ്രസിഡന്റ് പി.കെ. വിജയൻ, ഫാ. ജെസ്റ്റിൻ മൂന്നനാൽ എന്നിവർ ചേർന്ന് വിജയികൾക്കുള്ള സമ്മാനവിതരണം നിർവഹിച്ചു. ബ്ലോക്ക് പഞ്ചായത്തംഗം മേഴ്‌സി ബെന്നി, ടി. ശശിധരൻ, എ.കെ. മാത്യു, സന്തോഷ് സെബാസ്റ്റ്യൻ, കെ.കെ. ശിവാനന്ദൻ, സാബു ഗർവാസീസ്, ജിൻസ് കടുപ്പിൽ സജി ജോർജ് തുടങ്ങിയവർ സംസാരിച്ചു.