സംസ്ഥാന പുരുഷ-വനിതാ ബാസ്‌കറ്റ്‌ബോൾ ചാമ്പ്യൻഷിപ്പിന് ആവേശത്തുടക്കം

മുള്ളൻകൊല്ലി : കേരള സംസ്ഥാന പുരുഷ-വനിതാ ബാസ്ക‌റ്റ്ബോൾ ചാമ്പ്യൻഷിപ്പ് മുള്ളൻകൊല്ലി സെയ്ൻ്റ് മേരീസ് എച്ച്എസ്എസ് എഡ‌ിറ്റ് ഗ്രൗണ്ടിൽ തുടങ്ങി.

ലീഗ് മത്സരത്തിൽ പുരുഷവിഭാഗത്തിൽ കോഴിക്കോട് പാലക്കാടിനെ (72-44) പരാജയപ്പെടുത്തി. വനിതാവിഭാഗം മത്സരത്തിൽ കൊല്ലം വനിതകൾ ആതിഥേയരായ വയനാടിനെ (51-19) പരാജയപ്പെടുത്തി. നിർമലഗിരി സ്‌കൂളിലെ രണ്ടാംനമ്പർ കോർട്ട് മത്സരത്തിൽ കണ്ണൂരിന് ജയവും പരാജയവും നേരിടേണ്ടിവന്നു. ആൺകുട്ടികളുടെ മത്സരത്തിൽ കാസർകോടിനെ (48-25) പരാജയപ്പെടുത്തിയപ്പോൾ പെൺകുട്ടികൾ പാലക്കാടിനോട് (29-30) പരാജയപ്പെട്ടു.