വായനകളരി ഉദ്ഘാടനവും , ബാലവേദി രൂപീകരണവും നടന്നു.

വായനകളരി ഉദ്ഘാടനവും ,

ബാലവേദി രൂപീകരണവും നടന്നു. 

ചോമ്പാല : പുരോഗമന വായനശാല & ഗ്രന്ഥാലയത്തിൽ വായന കളരി ഉദ്ഘാടനവും ബാലവേദി രൂപീകരണവും നടന്നു. വായനശാല ഓഡിറ്റോറിയത്തിൽ വെച്ച് നടന്ന ചടങ്ങിൽ ബാലവേദി അംഗമായ എം.വി. അനുനന്ദ പരിപാടി ഉദ്ഘാടനം ചെയ്തു. നാടകകൃത്ത് വി.കെ. പ്രഭാകരൻ , എം. ഹരിദാസ് മാസ്റ്റർ , എം.വി.ജയപ്രകാശ് , പ്രശാന്ത് ചോമ്പാല , ഗോകുൽ മാസ്റ്റർ എന്നിവർ കുട്ടികളുമായ് സംവാദത്തിലേർപെട്ടു . തുടർന്ന് ബാലവേദി രൂപീകരണം നടന്നു. സിക്രട്ടറിയായ് കാർത്തിക്കിനെയും , പ്രസിഡൻ്റായി എം.വി. അനുനന്ദയെയും തിരഞ്ഞെടുത്തു. കുട്ടികളുടെ കഥ പറച്ചിലും , കവിത ചൊല്ലലും പരിപാടിക്ക് പകിട്ട് നൽകി.